نۇر-سۇلتاندا كەلىنشەك الەۋمەتتىك جەلىدە تانىسقان ەر ادامدى توناپ كەتتى
نۇر-سۇلتان. قازاقپارات - نۇر-سۇلتان قالاسىنىڭ تۇرعىنى الەۋمەتتىك جەلىدە تانىسقان ەر ادامدى توناپ كەتتى، دەپ حابارلايدى قازاقپارات قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
ۇرلىق فاكتىسى بويىنشا پوليتسياعا 59 جاستاعى ەر ادام جۇگىنگەن. ول «درۋگ ۆوكرۋگ» موبيلدى قوسىمشاسى ارقىلى 46 جاستاعى كەلىنشەكپەن تانىسقانىن حابارلادى. ونلاين تانىستىقتان كەيىن كەلىنشەك ونىمەن كەزدەسكىسى كەلگەن. ءارى قاراي تانىستىق جالدامالى پاتەردە جالعاسقان.
پاتەر ىشىندە ەر ادام جۋىنۋعا كەتكەندە، كەلىنشەك ونىڭ كۇرتەشەسىنىڭ قالتاسىنان 125 مىڭ تەڭگە كولەمىندە اقشانى ۇرلاپ، ءىزىن سۋىتقان. كريمينالدىق پوليتسيا قىزمەتكەرلەرى جەدەل ىزدەستىرۋ شارالارىن جۇرگىزۋ كەزىندە كۇدىكتى ايەلدى ۇستادى. كەلىنشەك ءوز كىناسىن مويىندادى.
ونىڭ ەلوردا اۋماعىندا وسىعان ۇقساس قىلمىستارعا قاتىسى بار-جوعى انىقتالۋدا. اتالعان فاكتى بويىنشا قىلمىستىق ءىس قوزعالدى. ايەل جابىرلەنۋشىگە ۇرلانعان قاراجاتتى قايتاردى. نۇر-سۇلتان قالاسى پوليتسيا دەپارتامەنتى ازاماتتاردى اباي بولۋعا شاقىرادى، جاقىن تانىس ەمەس ادامدارعا سەنبەۋگە جانە باعالى زاتتاردى قاراۋسىز قالدىرماۋعا كەڭەس بەرەدى.
