يمام: پاندەميا جاعدايىندا سارەسى ءىشۋدىڭ ماڭىزى زور
«ورازا ۇستاعان جاندار سارەسىنى ىشۋگە ءمان بەرۋى كەرەك. كوپ جاعدايدا كەي ادامدار ورازا كەزىندە قارنىم اشپايدى دەگەن جەلەۋدى العا تارتىپ، تاڭسارىدە تاماق ىشپەي، اۋزىن بىردەن اشىپ جاتادى. بۇل - ۇلكەن قاتەلىك. جالپى ءبىزدىڭ مۇسىلمانداردىڭ ورازا ۇستاۋىنداعى ۇلكەن ءبىر ەرەكشەلىگى سارەسى ىشۋدە. پايعامبار حاديستە «سارەسى ىشىڭدەر، سارەسىدە بەرەكە بار» دەيدى. قازىرگى ەپيدەميولوگيالىق جاعدايدى ەسكەرە وتىرىپ، ءاربىر ورازا ۇستايتىن ادامدى تاڭسارىدەگى ازىق- اقۋاتقا ءجىتى ءمان بەرۋگە شاقىرامىز. ادام اعزاسىنا كەرەكتى ءار ءتۇرلى دارۋمەندەر مەن پايدالى تاماقتاردى جەپ، سارەسى ىشۋگە شاقىرامىز»، - دەدى ەربولات ءجۇسىپوۆ.
شارا بارىسىندا نۇر-سۇلتان قالاسىنىڭ باس يمامى رامازان ايىندا مەشىتكە كەلۋدىڭ ءتارتىبىن ءتۇسىندىردى. ەسكە سالساق، وسى بريفينگىدە ەلوردالىق ەرىكتىلەردىڭ اۋىزاشار قورجىنىن جەتكىزۋگە كومەكتەسەتىنى ايتىلدى.
اۆتور: ەسىمجان ناقتىباي
