الماتىدا روزا رىمبايەۆا مەن ساكەن مايعازيەۆ قاتىسقان تويدىڭ ۆيدەوسى تەكسەرىلىپ جاتىر
الماتى. قازاقپارات - الماتى قالاسى سانيتارلىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى ءسادۋاقاس بايعابىلوۆ ونلاين بريفينگ بارىسىندا قازاقستاندىق جۇلدىزدار قاتىسقان تويدىڭ ۆيدەوسىنا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.
ۆيدەو كادرلارىنان مەرەكە جاس جۇپتىڭ ۇيلەنۋ تويىنا ارنالعانىن كورۋگە بولادى. ءىس- شاراعا قاتىسۋشىلار اراسىندا روزا رىمبايەۆا، ساكەن مايعازيەۆ، ايدانا مەدەنوۆا بولعان. تويدا ساكەن مايعازيەۆ «ساۋىردەن باستاپ ءتاۋىر كۇندەرىمىز باستالا بەرسىنشى» دەگەن تىلەك ايتادى.
«بۇل ۆيدەونى تەكسەردىك. كارانتين تالابىن بۇزۋ دەرەگى انىقتالدى. بەينەجازبا زەرتتەلۋدە، سودان كەيىن ماتەريالعا زاڭ تۇرعىسىندا باعا بەرىلەدى. بۇل ادامداردى ءبارىمىز بىلەمىز، تانيمىز. ولاردىڭ كوپشىلىگى الماتىدا تۇرادى. ەگەر بۇزۋشىلىق راستالسا، شاراعا قاتىسۋشىلار اكىمشىلىك جاۋاپكەرشىلىككە تارتىلادى»، - دەدى ءسادۋاقاس بايعابىلوۆ.
بۇعان دەيىن، ءانشى قايرات نۇرتاسقا كارانتين تالابىن بۇزعانى ءۇشىن ايىپپۇل سالىنعان بولاتىن.
اۆتور: الما مۇقانوۆا
