قازاقستاندا كوروناۆيرۋسقا قارسى ۆاكسيناتسيا مىندەتتى بولا ما
«بۇگىندە كوروناۆيرۋس ينفەكسياسىنا قارسى ۆاكسيناتسيا ەپيدەميولوگيالىق كورسەتىلىمدەر بويىنشا جۇرگىزىلەدى. بۇل ۇكىمەتتىڭ قازاقستان رەسپۋبليكاسىنداعى ەكپەلەردىڭ ۇلتتىق كۇنتىزبەسى بەكىتىلەتىن ءتيىستى قاۋلىسىندا دا كورىنىس تاپقان»، - دەدى ايجان ەسماعامبەتوۆا ورتالىق كوممۋنيكاتسيالار قىزمەتىندەگى بريفينگ بارىسىندا ب ا ق وكىلدەرىنىڭ ساۋالىنا وراي.
وسى ورايدا ول «كوروناۆيرۋسقا قارسى ۆاكسيناتسيا مىندەتتى بولۋى مۇمكىن بە؟» دەگەن ساۋالعا دا جاۋاپ بەردى.
«كودەكستىڭ 77-بابىنا سايكەس، كەز كەلگەن ۆاكسيناتسيا ۆاكسينانى الۋشىنىڭ مىندەتتى تۇردە كەلىسىمى ارقىلى عانا سالىناتىندىعىن اتاپ وتكىم كەلەدى. ياعني، كەز كەلگەن ۋاقىتتا باس تارتۋعا بولادى»، - دەدى كوميتەت ءتورايىمى.
سونىمەن قاتار ايجان ەسماعامبەتوۆا ۆاكسيناتسيا جۇقپالى اۋرلارمەن كۇرەستىڭ ەڭ وڭتايلى ءتاسىلى ەكەندىگىن باسا ايتتى.
اۆتور: مارلان جيەمباي
