مينيسترلىك زايسان اۋدانىن گازداندىرۋدىڭ ەكى جولىن اتادى

نۇر- سۇلتان. قازاقپارات – شىعىس قازاقستانداعى شەكارالىق اۋدانداردى گازداندىرۋدىڭ ەكى جولى بار. بۇل تۋرالى ەنەرگەتيكا مينيسترلىگىنىڭ وكىلى داۋرەن ءابىلقايىروۆ ايتتى.

قازىر سارىبۇلاق كەن ورنىندا كوگىلدىر وتىننىڭ قالدىق قورى 532 ميلليون تەكشە مەتر. ءابىلقايىروۆتىڭ ايتۋىنشا، ءوڭىردى گازبەن قامتۋ رەسۋرستىق بازانى انىقتاعاننان كەيىن مۇمكىن بولادى. بۇگىندە مينيسترلىك شىعىس قازاقستان وبلىسىن گازداندىرۋ ماقساتىندا ەكى نۇسقانى پىسىقتاپ جاتقان كورىنەدى.

داۋرەن ءابىلقايىروۆ، ق ر ەنەرگەتيكا مينيسترلىگى گاز جانە مۇناي- گاز- حيميا دەپارتامەنتى ديرەكتورىنىڭ ورىنباسارى:

- 1-نۇسقا پاۆلودار قالاسىندا تارماقتالۋمەن بارناۋىل، سەمەي - وسكەمەن باعىتى بويىنشا رەسەي فەدەراتسياسىنان ماگيسترالدىق گاز قۇبىرىن سالۋ. 2-نۇسقا سارى ارقا ماگيسترالدىق گاز قۇبىرىنان تەمىرتاۋ، پاۆلودار، سەمەي- وسكەمەن باعىتى بويىنشا بۇرىپ، اپاراتىن گاز قۇبىرىن سالۋ.

www.24.kz