قاسىم-جومارت توقايەۆ تەلەارنالارعا نەگە سۇحبات بەرمەيدى - باسپا ءسوز حاتشىسى جاۋاپ بەردى - ۆيدەو

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ ءسوزدىڭ ەمەس ءىستىڭ ادامى.

مۇنداي پىكىردى «حابار 24» تەلەارناسىنىڭ «سۇقبات» باعدارلاماسىندا ق ر پرەزيدەنتىنىڭ باسپا ءسوز حاتشىسى بەرىك ءۋالي ايتتى، دەپ حابارلايدى قازاقپارات ءتىلشىسى.

«وتاندىق ب ا ق-قا سۇقبات بەرمەيدى دەگەنمەن كەلىسپەيمىن. ويتكەنى، وزدەرىڭىز بىلەسىزدەر، انا ءتىلى، ەگەمەن قازاقستان گازەتتەرىنە، مەرزىمدى باسىلىمدارعا سۇقبات بەرىپ ءجۇر. سۇقباتقا كەلگەندە كوپ ادامدار دۇرىس تۇسىنبەي جاتادى. جالپى، پرەزيدەنت كوپ سۇقبات بەرىپ، سويلەپ، پىكىر الماسقاننان گورى ءىستىڭ ادامى. كوپ جاعدايدا سوزدەن گورى ىسكە دەن قويىپ، تاپسىرمالار بەرىپ، ونىڭ ورىندالۋىن قاداعالاپ وتىرادى. ال تەلەارناعا كەلەر بولساق، جالپى ول ويدا بار. الداعى ۋاقىتتا سۇقبات بەرەدى»، - دەدى بەرىك ءۋالي.

ونىڭ اتاپ وتۋىنشە، پرەزيدەنت جاسالىپ جاتقان جۇمىستار تۋرالى اكىمدەردەن، سالالىق مينيسترلەردەن، اگەنتتىك باسشىلارىنان ەسەپ الىپ، تالاپ قويىپ وتىرادى.