قازاقستاننىڭ قىزىل كىتابىنا ءۇش جانۋار ەندى

نۇر-سۇلتان. قازاقپارات - قازاقستان ەكولوگيا، گەولوگيا جانە تابيعي رەسۋرستار مينيسترلىگى ەلدىڭ قىزىل كىتابىنا تاعى ءۇش جانۋار ەنگەنىن ءمالىم ەتتى.

وعان جولبارىس، وڭتۇستىك- باتىس ازيا قابىلانى جانە كەرقۇلان (پرجيەۆالسكي جىلقىسى) كىردى، - دەپ حابارلايدى «حابار 24».

تەلەارنا مالىمەتىنشە، وڭتۇستىك- باتىس ازيا قابىلانىنىڭ بۇكىل الەم بويىنشا سانى - 870-1,3 مىڭ. قازاقستاندا بۇل جانۋار ءۇستىرت مەملەكەتتىك تابيعي قورىعىندا عانا كەزدەسەدى. سونىمەن قاتار، بۇگىندە مينيسترلىك بالقاش ايماعىندا جولبارىستى كوبەيتۋ باعدارلاماسىن جاسادى، ول 15 -جىلعا ەسەپتەلگەن.

بۇل باعدارلاما بويىنشا، تىرشىلىك ەتۋ ورتاسىن دايىندالادى، كەيىن جولبارىستاردى سوندا جىبەرەدى، ارتىنشا باعدارلامانىڭ ورىندالۋىن باقىلاپ وتىرادى.

كەرقۇلان جابايى جىلقىلاردىڭ تۇرىنە جاتادى، جىلقى تۇقىمداسىنىڭ سيرەك وكىلدەرىنىڭ ءبىرى. قازاقستاندا 10 عا جۋىق وسىنداي جانۋار بار.

قازىرگى ۋاقىتتا قازاقستاننىڭ قىزىل كىتابىنا وسىمدىكتەردىڭ 400 گە جۋىق ءتۇرى جانە ومىرتقالى جانۋارلاردىڭ 133 ءتۇرى ەنەدى.