دەنساۋلىق ساقتاۋ مينيسترلىگى «سپۋتنيك ۆ» ۆاكسيناسىنىڭ جاناما اسەرى تۋرالى ايتتى
كوميتەت رەسمي ساۋالعا جاۋاپ رەتىندە قازاقستان بويىنشا ءبىرىنشى كومپونەنتپەن 170 مىڭنان اسا ادام، ەكىنشى كومپونەنتپەن 60 مىڭنان اسا ادام ەگىلگەنىن حابارلادى.
«ەكپەدەن كەيىن ەلەۋلى قولايسىز جاعدايلار تىركەلگەن جوق. بولجامدى اسەر ۆاكسيناتسيادان وتكەندەردىڭ شامامەن ءبىر پايىزىندا تىركەلەدى. جالپى سانى - 1501 ادامدا. بۇل بارلىق ەكپە سالدىرعاندار سانىنىڭ 0,9 پايىزى. ونىڭ ىشىندە جاناما اسەر - 959 ادامدا، قالىپتى جاعداي - 542 ادامدا تىركەلگەن»، - دەدى ۆەدومستۆو وكىلى.
كوميتەت 1-ساۋىردەن بەرى وڭىرلەرگە «سپۋتنيك V» ۆاكسيناسىنىڭ 150 مىڭ دوزاسىن جەتكىزۋ جۇمىسى جۇرگىزىلىپ جاتقانىن ايتتى. ءساۋىردىڭ ورتاسىندا كوروناۆيرۋسقا قارسى ۆاكسينانىڭ 2,5 ميلليوننان اسا دوزاسىن جەتكىزۋ جوسپارلانعان.
«حالىقتىڭ وسال توبىنا كىرمەيتىن ادامدار ۆاكسينانىڭ جاڭا پارتياسى كەلىپ تۇسكەننەن كەيىن، شامامەن ءساۋىردىڭ ەكىنشى جارتىسىنان باستاپ ەكپە سالدىرا الادى»، - دەلىنگەن كوميتەت جاۋابىندا.
بۇعان دەيىن دەنساۋلىق ساقتاۋ مينيسترلىگىندە QazCovid-IN كوروناۆيرۋسىنا قارسى قازاقستاندىق ۆاكسيناسىن سالدىرعان ەرىكتىلەردە قانداي جاناما اسەر پايدا بولعانىن ايتقان ەدى.
Tengrinews.kz
