فۋتبول قاقپاسىنىڭ قۇلاۋى: قىلمىستىق ءىس قوزعالدى

الماتى. قازاقپارات - الماتىدا بالا ۇستىنە قۇلاعان قاقپاعا وقيعاسىنا قاتىستى قىلمىستىق ءىس قوزعالدى، دەپ حابارلايدى قازاقپارات ءتىلشىسى.

الماتى پوليتسياسى فۋتبول الاڭىندا بالانىڭ ۇستىنەن قۇلاعان قاقپاعا قاتىستى فاكتىگە سايكەس، ق ر ق ك 306-بابى بويىنشا ءىس تىركەلگەنىن حابارلادى. تەرگەۋدى الماتى قالالىق پوليتسيا دەپارتامەنتى جۇرگىزەدى.

ق ر ق ك 306-باپتىڭ سانكسياسى 160 ا ە ك-كە دەيىن ايىپپۇل سالۋدى نەمەسە سول مولشەردە تۇزەۋ جۇمىستارىن نەمەسە 160 ساعاتقا دەيىن قوعامدىق جۇمىستارعا جەگۋ نەمەسە ۇستاۋ تۇرىندە 40 تاۋلىككە قاماۋعا الۋدى كوزدەيدى. ودان بولەك ءۇش جىلعا دەيىنگى مەرزىمگە نەمەسە بەلگىلى ءبىر لاۋازىمداردى اتقارۋىنا تىيىم سالىنادى.

وقىس وقيعا 4-ءساۋىر كۇنى كەشكە، 8-ىقشام اۋدانداعى №79-ءۇيدىڭ اۋلاسىنداعى بالالار الاڭىندا بولدى. الماتى قالالىق كوممۋنالدىق شارۋاشىلىق باسقارماسى اتالعان اۋلا اۋماعىندا 2020 -جىلى كەلىسىمشارتقا سايكەس، «EC-EnergyQazaqstan « ج ش س مەردىگەرى كۇردەلى جوندەۋ جۇرگىزگەندىگىن ايتتى.