ەلوردادا ۆاتسينالاۋ الدىن الا جازىلۋ ارقىلى جۇرگىزىلەدى

نۇر-سۇلتان. قازاقپارات - ۆاكسيناتسيا ادامداردىڭ ءبىر مەزگىلدە كوپ جينالۋىن بولدىرماۋ جانە قالا تۇرعىندارى ءۇشىن نەعۇرلىم قولايلى جاعداي جاساۋ ءۇشىن الدىن الا جازىلۋ ارقىلى جۇرگىزىلەدى.

بۇل تۋرالى ەلوردا اكىمى التاي كولگىنوۆ جەلىدەگى پاراقشاسىندا جازدى.

«ۆاكسيناتسيا ادامداردىڭ ءبىر مەزگىلدە كوپ جينالۋىن بولدىرماۋ جانە قالا تۇرعىندارى ءۇشىن نەعۇرلىم قولايلى جاعداي جاساۋ ءۇشىن الدىن الا جازىلۋ ارقىلى جۇرگىزىلەدى. بۇل ۆاكسينالاردى مەديتسينالىق مەكەمەلەر اراسىندا بىركەلكى بولۋگە مۇمكىندىك بەرەدى. جاسىنا بايلانىستى شەكتەۋلەر مەن مەديتسينالىق كورسەتكىشتەردى ەسكەرە وتىرىپ، 600 مىڭنان استام تۇرعىن ۆاكسيناتسيالاۋعا جاتادى. تەك ءساۋىر ايىندا عانا دەنساۋلىق ساقتاۋ مينيسترلىگى (س ق- فارماتسيا) 280 مىڭنان استام دوزا ۆاكسينا جەتكىزۋدى جوسپارلاپ وتىر»، - دەدى التاي كولگىنوۆ.

اكىمنىڭ ايتۋىنشا، بىرىنشىدەن ەگۋ پۋنكتتەرىنىڭ سانى ءۇش ەسەگە جۋىق - 36 دان 100 گە دەيىن ءوستى. بۇل - العاشقى مەديتسينالىق- سانيتارلىق كومەك ۇيىمدارى: ەمحانالار، وتباسىلىق دەنساۋلىق ورتالىقتارى، دارىگەرلىك امبۋلاتوريالار جانە ت. ب. ۆاكسيناتسيا پۋنكتەرىنىڭ جۇمىس ۋاقىتى ساعات 8:00-دەن 00:00-گە دەيىن ۇزارتىلدى.

ەكىنشى. ۆاكسينانى العىسى كەلەتىندەردىڭ ءبارى ءوتىنىش قالدىرا الادى. ەمحاناعا تىركەلۋ ورنى بويىنشا الدىن الا جازىلۋ كەرەك. دەنساۋلىق ساقتاۋ باسقارماسىنىڭ سايتىندا العاشقى مەديتسينالىق-سانيتارلىق كومەك ۇيىمدارىنىڭ بايلانىس نومىرلەرى، مەكەنجايلارى كورسەتىلگەن ءتىزىم جاريالاندى.

ءۇشىنشى. ەكپە الۋعا جازىلۋ Damumed موبيلدى قوسىمشاسى ارقىلى دا جۇزەگە اسىرىلادى. قوسىمشادا پاتسيەنتتىڭ جەكە كابينەتى ارقىلى ۋچاسكەلىك دارىگەردىڭ قابىلداۋىنا جازىلۋ جانە ەسكەرتپەدە ك ۆ ي- عا قارسى ەكپە العىسى كەلەتىنىن كورسەتۋ جەتكىلىكتى. اپتانىڭ سوڭىنا دەيىن مەديتسينالىق مەكەمەلەر ۆاكسيناتسياعا نيەت بىلدىرۋشىلەردى تىركەيدى، اپتا سوڭىندا ۆاكسيناتسيالاۋعا كىرىسەدى. سونداي-اق، دەنساۋلىق ساقتاۋ مينيسترلىگى جاقىندا «ەلەكتروندىق ۇكىمەت» پورتالىندا ۆاكسيناتسيالاۋعا ەلىمىز بويىنشا ورتالىقتاندىرىلعان وتىنىمدەردى قابىلداۋدى ىسكە قوسادى (egov.kz).

وندا «ۆاكسيناتسياعا جازىلۋ» جەكە قويىندىسى بولادى. ءتورتىنشى. مەديتسينالىق مەكەمەلەر ەكپە العىسى كەلەتىن بارلىق تۇرعىنداردى قابىلداۋعا دايىن. دەگەنمەن Mega Silk Way س و و سياقتى ءبىرقاتار ساۋدا- ويىن-ساۋىق ورتالىقتارىنىڭ ينفراقۇرىلىمىن دايىندادىق. سونىمەن قاتار، قالاداعى قوناقۇيلەر دە دايىن. قاجەت بولعان جاعدايدا، ۆاكسيناتسيا پۋنكتتەرىن سول جەردە دە ورنالاستىرۋعا بولادى.