قازاقستاندا ۆاكسيناعا قاتىستى فەيك اقپاراتپەن كۇرەس كۇشەيتىلەدى

نۇر-سۇلتان. قازاقپارات - قازاقستاندا ۆاكتسيناعا قاتىستى فەيك اقپاراتپەن كۇرەس كۇشەيتىلەدى. بۇل تۋرالى بۇگىن ۇكىمەت وتىرىسىندا ق ر دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.

«اقپارات جانە قوعامدىق دامۋ مينيسترلىگىمەن بىرگە حالىق اراسىندا ۆاكسيناتسيانىڭ ماڭىزدىلىعى جانە جالعان اقپاراتتاردى تەرىستەۋ تۋرالى اۋقىمدى اقپاراتتىق ءتۇسىندىرۋ جۇمىستارى جولعا قويىلاتىن بولادى. ارناۋلى مەديا جوسپار جۇزەگە اسىرىلادى»، - دەدى ول.

ءمينيستردىڭ اتاپ وتۋىنشە، ول ءۇشىن اقپاراتتىق رەسۋرستاردىڭ، ونىڭ ىشىندە الەۋمەتتىك جەلىلەر مەن مەسسەندجەرلەردىڭ بۇكىل الەۋەتى جۇمىلدىرىلادى.

«ۆاكسيناتسيانىڭ ماڭىزدىلىعىنا باسىمدىق بەرۋگە بارلىق تەلەارنالار مەن باسپا باسىلىمداردى جۇمىلدىرۋ، وڭ ناتيجەلەردى كورسەتۋ ءۇشىن وي- پىكىر كوشباسشىلارىن، ساراپشىلاردى جانە مەديا تۇلعالاردى تارتۋ، فەيكتەردى تەرىستەۋ جانە ولارمەن كۇرەسۋ ءۇشىن سەنىمدى اقپاراتتاردى جاريالاۋ جوسپارلانىپ وتىر»، - دەدى الەكسەي سوي.

اۆتور: مارلان جيەمباي