كوروناۆيرۋستىڭ جاڭا شتامدارى قانشالىقتى قاۋىپتى

نۇر- سۇلتان. قازاقپارات - بۇگىن ۇكىمەت وتىرىسىندا ق ر دەنساۋلىق ساقتاۋ ءمينيسترى الەكسەي تسوي كوروناۆيرۋستىڭ جاڭا شتامدارىنىڭ قاۋپى تۋرالى ايتتى، دەپ حابارلايدى قازاقپارات ءتىلشىسى.

«دۇنيەجۇزىلىك دەنساۋلىق ساقتاۋ ۇيىمىنىڭ مالىمەتتەرىنە سايكەس، بريتاندىق شتامم الەمنىڭ 130، وڭتۇستىك افريكالىق شتامم 80 جانە برازيليالىق شتام 45 ەلىندە انىقتالدى. جاڭا مۋتاتسيالاردى انىقتاۋ ماقساتىندا ءبىز رەسپۋبلكا اۋماعىندا اينالىمدا جۇرگەن كۆي شتامدارىن گەنەتيكالىق زەردەلەۋدى تۇراقتى نەگىزە جۇرگىزىپ جاتىرمىز. ماسەلەن، ناۋرىزدا رەسپۋبليكا اۋماعىندا بريتاندىق جانە وڭتۇستىك افريكالىق شتامداردىڭ اينالىمى انىقتالدى»، - دەدى ول.

ءمينيستردىڭ اتاپ وتۋىنشە، تاياۋدا جۇرگىزىلگەن زەرتتەۋلەرگە سايكەس، كوروناۆيرۋستىڭ بريتاندىق شتاممى باستاپقى شتاممعا قاراعاندا قاۋىپتى. ونى جۇقتىرعان ادامداردىڭ اۋرۋحانا جاتۋى كوبىرەك كەزدەسەدى ءارى ءولىم- ءجىتىم قاۋپى دە جوعارى بولىپ وتىر.

«برازيليالىق شتامم ءولىم- جىتىمگە كوپ اكەلە بەرمەيدى. دەگەنمەن، ول COVID-19-دىڭ باستاپقى شتامىنا قاراعاندا جەڭىل تارالادى. سونىمەن قاتار كوروناۆيرۋستىڭ بريتاندىق شتامى وتكەن جىلعى شتامەن سالىستىرعاندا 1,7 ەسە، وڭتۇستىك افريكالىق شتامعا قاراعاندا، 1,5 ەسە، ال برازيليالىق شتاممعا قاراعاندا 2 ەسە جىلدام تارالادى. بۇعان قوسا، رەپرودۋكتيۆتىلىك سانى 1,1-دەن 1,9-عا دەيىن ارتۋى مۇمكىن. بۇل اتالعان شتاممداردىڭ بىرتىندەپ باسىم بولا تۇسۋىنە الىپ كەلەدى»، - دەدى الەكسەي سوي.

سونىمەن قاتار ول ۇكىمەتتىڭ 2020 -جىلدان باستاپ قابىلداعان شەكتەۋ ءىس- شارالارى 6 اي بويى ۆيرۋستىڭ جاڭا شتاممدارىنىڭ ەلىمىزگە اكەلىنۋىنە توسقاۋىل بولا الدى.

«جاڭا شتاممداردى مونيتورينگىلەۋ جالعاسۋدا»، - دەدى ول.