قازاقستاندىق ب ا ق وكىلدەرى «انادولى» اگەنتتىگىمەن ىنتىماقتاستىق ماسەلەسىن تالقىلادى

انكارا. قازاقپارات - تۇركيادا ساپارمەن جۇرگەن «قازاقپارات» حالىقارالىق اقپارات اگەنتتىگىنىڭ باس ديرەكتورى اسقار ۋماروۆ پەن قازاقستان رەسپۋبليكالىق تەلەراديوكورپوراتسياسى ءتوراعاسىنىڭ ورىنباسارى يلحامجان يبراگيموۆ «انادولى» اگەنتتىگىنە باردى، دەپ حابارلايدى قازاقپارات.

«انادولى» اگەنتتىگىنىڭ باس رەداكتورى مەتين مۋتانوعلى قازاقستان دەلەگاتسياسىن اگەنتتىك رەداكتورلارىمەن بىرگە دوڭگەلەك ۇستەلىندە قابىلدادى. «قازاقپارات» ح ا ا باس ديرەكتورى اسقار ۋماروۆ «انادولى» اگەنتتىگىن قۇرىلۋىنىڭ 101 جىلدىعىمەن قۇتتىقتادى. اسقار ۋماروۆ «قازاقپارات» اگەنتتىگىنىڭ قىزمەتىمەن تانىستىرا وتىرىپ، اگەنتىك ءوز جۇمىسىنىڭ اياسىن كەڭەيتىپ، جەتىلدىرە باستاعانىن اتاپ ءوتتى.

تاراپتار ورتاق جوبالاردىڭ بولاشاعىن، قازاقستان مەن تۇركياعا قاتىستى ماڭىزدى تاقىرىپتاردا ءوزارا قولداۋ كورسەتۋ، قازاقستان تاۋەلسىزدىگىنىڭ 30 جىلدىعى، يۋنىس ەمرە مەن تۇركى ءتىلى جىلى اياسىنداعى ءوزارا ىنتىماقتاستىق، سونداي- اق اقپارات اگەنتتىكتەرى الدىنداعى سىن- قاتەرلەر ماسەلەسىن تالقىلادى. بۇدان باسقا ءوز تاجىريبەلەرىمەن ءبولىستى. اسقار ۋماروۆتىڭ ايتۋىنشا، «انادولى» اگەنتتىگىمەن بىرلەسكەن جۇمىستار ماڭىزدى، ويتكەنى «انادولى» - الەمدەگى بەدەلدى اقپارات اگەنتىگىنىڭ ءبىرى.

يلحامجان يبراگيموۆ، قازاقستاننىڭ ۇلتتىق جانە وڭىرلىك تەلەكانالدارىنىڭ دياپازونى تۋرالى ايتىپ بەردى. «انادولى» اگەنتتىگىنىڭ باس رەداكتورى مەتين مۋتانوعلى قازاقستاندىق پرەسسا وكىلدەرىن اگەنتتىكتىڭ قىزمەتىمەن تانىستىرىپ، قازاقستان مەن تۇركيانىڭ تىعىز قارىم- قاتىناسىنا جوعارى باعا بەردى. سونداي- اق ول اگەنتتىكتىڭ قازاقستانداعى جاڭالىقتارعا قىزىعۋشىلىق تانىتاتىنىن جەتكىزدى.