قازاقستان جەردى عارىشتان باقىلايتىن سپۋتنيكتەر شىعارادى

نۇر- سۇلتان. قازاقپارات - ەلىمىزدە جەردى عارىشتان قاداعالايتىن سپۋتنيكتەر قۇراستىرىلۋى مۇمكىن، دەپ حابارلايدى قازاقپارات ءتىلشىسى.

بۇل تۋرالى سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ايتتى.

«عارىش سالاسىنداعى ەكىنشى باعىت - جەردى قاشىقتىقتان زوندتاۋ. قازىر ول بىرنەشە سالادا قولدانىلىپ وتىر. مىسالى، بىلتىر 1 ميلليون گا پايدالانىلماي جاتقان جەر وسى تەحنولوگيانىڭ كومەگىمەن بەلگىلى بولدى. سونداي- اق، 217 زاڭسىز اعاش كەسۋ فاكتىسىن، 4 ميلليون گا ءورت وشاعىن، 9 مىڭنان استام زاڭسىز قوقىس ورنىن انىقتادىق. مۇنىڭ ءبارى سپۋتنيكتىك تەحنولوگيالار ارقىلى انىقتالادى. 60 ميلليارد تەڭگەگە سالىنعان زاۋىتتا جەردى قاشىقتىقتان زوندتاۋعا باعدارلانعان سپۋتنيكتەر شىعاراتىن بولامىز. وسى باعىتتا دامۋعا مۇمكىندىك بار»، - دەدى باعدات مۋسين.

ەسكە سالساق، بۇدان بىلاي ح ق و قىزمەتكەرلەرى دەربەس دەرەكتەرگە ارنايى كودپەن عانا كىرەتىن بولدى. سونداي- اق، باعدات مۋسين قازاقستاندىقتارعا الەۋمەتتىك جەلىگە تىركەلگەن كەزدە دەربەس دەرەكتەردى بەرمەۋگە كەڭەس بەردى.