گەرمانيادا ۆاكسينالانعان ادامدارعا جەڭىلدىك جاسالماق

بريۋسسەل. قازاقپارات - گەرمانيانىڭ دەنساۋلىق ساقتاۋ ءمينيسترى يەنس سپان تولىعىمەن ۆاكسينالانعان گ ف ر تۇرعىندارى قالىپتى ءومىر سالتىنا جىلدام ورالا الاتىنىن ءمالىم ەتتى، دەپ حابارلايدى قازاقپارات مەنشىكتى ءتىلشىسى.

گەرمانيانىڭ دەنساۋلىق ساقتاۋ ۆەدومستۆوسىنىڭ باسشىسى ۆاكسينا العان ادامدار كوروناۆيرۋسقا تاپسىرعان تەستىسى تەرىس ناتيجە كورسەتۋى ءتيىس دەگەن سياقتى شەكتەۋ شارالارىنسىز ساياحاتتاۋعا، دۇكەندەرگە نەمەسە شاشتارازدارعا بارا الاتىنىن ايتتى. ي. سپان ءوزىنىڭ مالىمدەمەسىن نەمىس عالىمدارىنىڭ فەدەرالدىق دەنساۋلىق ساقتاۋ مينيسترلىگىنە جاساعان بايانداماسىنىڭ سوڭعى عىلىمي ناتيجەلەرىنە نەگىزدەدى.

نەمىستىڭ روبەرت كوح اتىنداعى اۋرۋلارمەن كۇرەس ينستيتۋتى تولىق ۆاكسينالانعان ادامدار ەندى كارانتينگە جاتقىزىلماۋى مۇمكىن دەپ سانايدى. ينستيتۋت ەكىنشى دوزانى العاننان كەيىن 15 كۇن وتكەن سوڭ ۆاكسينالانعان ادامداردان ينفەكسيانىڭ بەرىلۋ قاۋپى ينفەكسيا بەلگىلەرى جوق تۇلعالارعا قاراعاندا از بولعانىن جانە تەك انتيگەنگە ەكسپرەسس تەستىسى تەرىس بولعانىن ايتادى.

قازىرگى ۋاقىتتا گەرمانيا تۇرعىندارىنىڭ % 12- دان استامى COVID-19-عا قارسى ەكى فاكتورلى ۆاكسينانىڭ العاشقى دوزاسىن الدى، بۇل 10 ميلليوننان استام ازاماتتى قۇرايدى.

اۆتور: ارنۇر راحىمبەكوۆ