ۇلكەن الماتى كولىنە باراتىن جول ءۇش جىلعا جابىلادى

نۇر-سۇلتان. قازاقپارات - ۇلكەن الماتى كولىنە باراتىن جولدى ءۇش جىلعا جابۋ جوسپارلانىپ وتىر.

الماتى قالاسىنىڭ تۋريزم باسقارماسى باسشىسىنىڭ ورىنباسارى مارات اينابەكوۆتىڭ ايتۋىنشا، قازىر جولدا سەلدەن قورعايتىن بوگەتتەردىڭ قۇرىلىسى ءجۇرىپ جاتىر. ول شامامەن ءۇش جىلعا سوزىلادى، - دەپ حابارلايدى kaz.tengritravel.kz.

«ۇلكەن الماتى كولىنە باراتىن جول ماسەلەسى تۋرالى ايتار بولساق. بۇگىندە وندا سەلدەن قورعايتىن بوگەتتىڭ قۇرىلىسى ءجۇرىپ جاتىر. ول شامامەن ءۇش جىلعا سوزىلادى. سوندىقتان جولدى اشۋ ماسەلەسى كەيىنگە قالدىرىلىپ، (جولدى اشۋ - ەسك.)، سەلدەن قورعايتىن بوگەتتەر اياقتالعاننان كەيىن عانا مۇمكىن بولادى. قازىر ونىڭ اينالاسىندا جۇرۋگە تىيىم سالۋ ماسەلەسى تۇر. توتەنشە جاعدايلار مينيسترلىگىندەگىلەر بۇل جولمەن ءجۇرۋ قاۋىپتى دەيدى»، - دەدى الماتى تۋريزم باسقارماسى باسشىسىنىڭ ورىنباسارى مارات اينابەكوۆ قازاقستان تۋريستىك قاۋىمداستىعى ۇيىمداستىرعان ۆەبيناردا.

سونداي-اق قازاقستان تۋريستىك قاۋىمداستىعىنىڭ ديرەكتورى راشيدا شايكەنوۆا ايۋساي شاتقالىنداعى تانىمال ورتالىققا وسى جولمەن بارۋ ماسەلەسى تۋىنداعانىن اتاپ ءوتتى.

«قازىر توتەنشە جاعدايلار مينيسترلىگىمەن كەلىسسوزدەر جۇرگىزىپ جاتىرمىز، بالاما جول ۇسىنۋدى سۇرايمىز. وندا تۋريستىك ورىندار بار ەكەنىن جانە ىشكى تۋريزمدى دامىتۋ قاجەتىن ءتۇسىندىرىپ جاتىرمىز. ءبىراق ماسەلەگە بايلانىستى تەك كەلىسسوز ءجۇرىپ جاتىر»، - دەپ جاۋاپ بەردى الماتى تۋريزم باسقارماسىنىڭ وكىلى.

ەسكە سالايىق، 2020-جىلعى ناۋرىزدا ۇلكەن الماتى كولىنە باراتىن جولدا شۇڭقىرلار پايدا بولدى. سودان سوڭ جول كولىكتىڭ بارلىق ءتۇرى ءۇشىن جابىلعان. قاشان اشىلاتىنى دا بەلگىسىز بولاتىن. قازىر تۋريستەر بۇل جەرگە تەك جاياۋ بارا الادى.