ەلىمىزدە جەر رەسۋرستارىن باسقارۋ اگەنتتىگى قۇرىلادى

«ەكونوميكالىق ماسەلەلەر بويىنشا جۇمىس توبىنىڭ وتىرىسىندا 6 ماسەلە قارالدى. وتىرىسقا جۇمىس توبىنىڭ 33 مۇشەسىنىڭ 30 ى قاتىستى. قازىرگى ۋاقىتتا ەڭ وزەكتى ماسەلەنىڭ ءبىرى - جەر رەسۋرستارىن باقىلاۋ بويىنشا ءبىرىڭعاي مەملەكەتتىك جۇيەنى قۇرۋ. قازىرگى ۋاقىتتا ق ر اۋىل شارۋاشىلىعى مينيسترلىگىنىڭ جەر رەسۋرستارىن باسقاراتىن كوميتەتىندە تەك ورتالىق اپپارات قالعان. ول جەردە 38 ادام جۇمىس ىستەيدى. بارلىق ايماقتىق جەر ينسپەكسيالارى 2014 -جىلى اكىمدىكتەردىڭ قۇزىرىنا بەرىلگەن. ياعني، اكىم ءوزى جەر بەرەدى، جەردى ءوزى باقىلايدى. وسىعان بايلانىستى ءبىرىنشى قاراعان ماسەلەمىز - اكىمدىكتەردەن (جەرگىلىكتى اتقارۋشى ورگانداردان) جەردىڭ پايدالانىلۋى مەن قورعالۋىن مەملەكەتتىك باقىلاۋ جانە «ازاماتتارعا ارنالعان ۇكىمەت» مەملەكەتتىك كورپوراتسياسىنا مەملەكەتتىك جەر كاداسترىن جۇرگىزۋ فۋنكتسيالارىن بەرە وتىرىپ، جەر رەسۋرستارىن باسقارۋ اگەنتتىگىن قۇرۋ»، - دەيدى ەكونوميكالىق جۇمىس توبىنىڭ باسشىسى اقىلبەك كۇرىشبايەۆ.

ونىڭ ايتۋىنشا، بۇل ۇسىنىستى وتىرىسقا قاتىسقان جۇمىس توبىنىڭ 30 مۇشەسىنىڭ 27 ى قولدادى. قارسى بولعاندار سانى - 3 ادام.

«قارسى بولعان تۇلعالار بۇل پرينتسيپكە قارسى بولعان جوق. ولار اگەنتتىك قۇرماي، جەر رەسۋرستارىن باسقارۋ كوميتەتى ءوز مەكەمەسىن قۇرىپ، اۋىل شارۋاشىلىعى مينسيترلىگىنىڭ قۇزىرىندا قالا بەرۋدى قولدادى. اتالعان ماسەلەلەردى شەشۋدىڭ بىردەن ءبىر جولى - ول سالانى تولىقتاي تسيفرلىق پلاتفورماعا كوشىرۋ. كوپشىلىكتىڭ باسىم داۋىس بەرۋىمەن جەر رەسۋرستارىن باسقارۋ اگەنتتىگىن قۇرۋ تۋرالى ۇسىنىس قابىلداندى»، - دەيدى ول.

اۆتور: زارينا قاھارمان