نۇر-سۇلتان: «شاپاعات» بازارىنداعى ءورت ءسوندىرىلدى

نۇر-سۇلتان. قازاقپارات - نۇر-سۇلتان قالاسىنداعى «شاپاعات» بازارىندا بولعان ءورت ءسوندىرىلدى.

بۇل تۋرالى قازاقپارات قالالىق توتەنشە جاعدايلار دەپارتامەنتىنىڭ باسپا ءسوز قىزمەتىنە سىلتەمە جاساپ حابارلايدى.

«بۇگىن 22:30-دا نۇر-سۇلتان قالاسىنىڭ ءورت ءسوندىرۋ بولىمدەرىنىڭ ماماندارى سارىارقا اۋدانى، بوگەنباي باتىر 69 مەكەنجايى، شاپاعات بازارىنا شاقىرتۋعا اتتاندى. بارا سالىسىمەن شاتىردىڭ جانە سىرتقى جابىندى قاباتتىڭ ورتەنىپ جاتقانى انىقتالدى. قازىرگى ساتتە ءورت ءسوندىرۋ جۇمىستارى جۇرگىزىلىپ جاتىر» دەلىنگەن قالالىق ت ج د باسپا ءسوز قىزمەتى تاراتقان حابارلامادا.

مالىمەتكە ساي، وقيعا ورنىندا شۇعىل ءورت ءسوندىرۋ شتابى قۇرىلعان. قۇربان بولعاندار مەن جاپا شەككەن ەشكىم جوق. ءورتتى نۇر-سۇلتان قالاسى ت ج د- عا قاراستى 8 تەحنيكا مەن 32 مامان ءسوندىرىپ جاتىر. ءورت ساعات 23:05 اۋىزدىقتالدى.