ساۋىردە ەلوردا تۇرعىندارى ۆاكسينامەن كەڭىنەن قامتىلادى - التاي كولگىنوۆ
بۇل جايىندا نۇر- سۇلتان قالاسىنىڭ اكىمى التاي كولگىنوۆ Instagram پاراقشاسىندا جازدى، دەپ حابارلايدى قازاقپارات.
«ءار تۇرعىن كارانتين مەن ونىڭ سالدارىن سەزىندى. بۇگىن بيزنەس وكىلدەرىمەن، نۇر- سۇلتان قالاسىنىڭ كاسىپكەرلەر پالاتاسىمەن، سانيتارلىق دارىگەرلەرمەن شاعىن جانە ورتا بيزنەستى قولداۋ شارالارىن، ەكپە الۋ پۋنكتتەرىن اشۋ، سانيتارلىق نورمالاردى قاتاڭ ساقتاي وتىرىپ، كەيبىر بيزنەس سۋبەكتىلەرىنە جۇمىس جاساي بەرۋگە مۇمكىندىك بەرەتىن «Ashyq» جوباسىن ماسشتابتاۋ ماسەلەلەرى تالقىلاندى»، - دەدى ول.
ونىڭ اتاپ وتۋىنشە، كوروناۆيرۋسپەن كۇرەستە وتە ماڭىزدى ءادىس - ۆاكتسيناتسيا مەن ۇجىمدىق يممۋنيتەتتى قالىپتاستىرۋ.
«ءبىرىنشى كەزەڭدە ەكپەنى كوروناۆيرۋسپەن كۇرەستە الدىڭعى شەپتە جۇرگەن مەديتسينا قىزمەتكەرلەرى، مۇعالىمدەر، پوليتسيا قىزمەتكەرلەرى جانە تاعى باسقالارى الىپ جاتىر. ءساۋىر ايىنان باستاپ حالىقتى ۆاكسيناتسيامەن كەڭىنەن قامتۋعا كىرىسەمىز. مەملەكەت باسشىسىنىڭ تاپسىرماسىنا سايكەس دەنساۋلىق ساقتاۋ مينيسترلىگى «س ك- فارماتسيامەن» بىرلەسە حالىقتى بارىنشا قامتۋ ءۇشىن قالاعا ۆاكسينالاردىڭ قوسىمشا دوزاسىن جەتكىزەدى»، - دەدى التاي كولگىنوۆ.
