قازاقستان س ءى م باسشىسى ماسكەۋدە ديپكورپۋسپەن كەزدەسۋ وتكىزدى
بۇل تۋرالى قازاقپارات ق ر س ءى م باسپا ءسوز قىزمەتىنە سىلتەمە جاساپ حابارلايدى.
«قازىرگى كۇردەلى جاعدايدا ءبىز ەلىمىزدى جاڭعىرتۋ ستراتەگياسىن دايەكتىلىكپەن جۇرگىزىپ جاتىرمىز. بۇگىندە ساياسي رەفورمالاردىڭ ءۇشىنشى كەزەڭى ىسكە اسىرىلۋدا، ونىڭ شەڭبەرىندە قوعامدى دەموكراتيالاندىرۋعا باعىتتالعان ءبىرقاتار زاڭدار قابىلداناتىن بولادى. قازاقستان ءوز ەگەمەندىگىنىڭ ءتورتىنشى ونجىلدىعىنا كىرەدى»، - دەدى م. تىلەۋبەردى.
مينيستر ءوز سوزىندە قازاقستاننىڭ شەتەلدىك سەرىكتەستەرمەن ىنتىماقتاستىقتى دامىتۋعا زور ءمان بەرەتىنىن جانە ءوزارا ءىس- قيمىلدى ودان ءارى كەڭەيتۋگە دايىن ەكەنىن اتاپ ءوتتى. سونىمەن قاتار، ول قازاقستاننىڭ باستى باسىمدىقتارىنىڭ ءبىرى كولىك الەۋەتىن ىلگەرىلەتۋ جانە ەلىمىزدىڭ الەم وڭىرلەرىمەن بايلانىسىن قامتاماسىز ەتۋ بولىپ تابىلاتىنىن اتاپ ءوتتى.
كەزدەسۋگە كەلەسى ەلدەردىڭ ديپلوماتيالىق وكىلدىكتەرىنىڭ باسشىلارى قاتىستى: اۆستراليا، الجير، انگولا، ارگەنتينا، بانگلادەش، بەنين، بوسنيا جانە گەرتسەگوۆينا، بۋركينا فاسو، گانا، گۆاتەمالا، گرەنادا، دانيا، دجيبۋتي، جاڭا زەلانديا، زامبيا، زيمبابۆە، يرلانديا، يسلانديا، كەنيا، كيپر، كولۋمبيا، كونگو، كورەي حالىق دەموكراتيالىق رەسپۋبليكاسى، كوت- د'يۆۋار، لاوس، ليۋكسەمبۋرگ، ماداگاسكار، مالي، مولدوۆا، ناميبيا، نەپال، نيكاراگۋا، پاناما، پاراگۆاي، پەرۋ، سەنەگال، سيريا، سلوۆەنيا، سۋدان، سەررا- لەونە، تانزانيا، تۋنيس، ۋگاندا، ۋرۋگۆاي، فيليپپين، چاد، چەرنوگوريا، چيلي، شري- لانكا، ەكۆادور، ەل- سالۆادور جانە ەريترەيا.
