الماتىدا ءجۇرىپ بارا جاتقان اۆتوبۋستىڭ ارتقى دوڭگەلەگى ۇشىپ كەتتى
وقىس وقيعا بۇگىن تۇستەن كەيىن تولە بي مەن مۇقانوۆ كوشەسىنىڭ قيىلىسىندا بولعان. ونىڭ ۆيدەوسى مەن سۋرەتتەرى الەۋمەتتىك جەلىدە تارادى.
Facebook قولدانۋشىنىڭ ايتۋىنشا، وقىس وقيعاعا تولە بي كوشەسىندەگى جولدىڭ تەگىس ەمەستىگى سەبەپ بولعان. بۇعان دەيىن دە الماتىلىقتار وسى ماگيسترالدا جۇرگىزىلىپ جاتقان شەكسىز جوندەۋ جۇمىستارىنا بىرنەشە رەت شاعىمدانعان. قالالىق موبيلدىلىك باسقارماسىنىڭ مالىمەتىنشە، اۆتوبۋس جۇرگىزۋشىسى اينادان ءتۇسىپ قالعان دوڭگەلەگىن كورىپ، دەر كەزىندە ارەكەت ەتكەن. «جۇرگىزۋشى اۆتوبۋستى ۋاقىتىندا توقتاتىپ ۇلگەرگەن. قازىرگى ۋاقىتتا كەلەڭسىزدىكتەر تۇزەتىلدى، اۆتوبۋس پاركىنە ورالادى. جولاۋشىلاردىڭ ەشقايسىسى زارداپ شەككەن جوق. اۆتوپارك قىزمەتتىك تەرگەۋ جۇرگىزۋدە، وقيعانىڭ سەبەبى انىقتالادى»، - دەپ حابارلادى باسقارمادان.
ايتا كەتەيىك، تولە بي كوشەسىندە ينجەنەرلىك جەلىلەردى قالپىنا كەلتىرۋ جۇمىستارى جۇرگىزىلىپ جاتىر.
