12:12, 02 - ءساۋىر 2021 | GMT +5
مەملەكەت باسشىسى دەنساۋلىق ساقتاۋ سالاسىنا شەكتەن تىس كۇش ءتۇسۋى مۇمكىن ەكەنىن ايتتى
نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ الداعى ۋاقىتتا دەنساۋلىق ساقتاۋ سالاسىنا شەكتەن تىس كۇش ءتۇسۋى مۇمكىن ەكەنىن ايتتى، دەپ حابارلايدى قازاقپارات.
بۇل جايىندا مەملەكەت باسشىسى Twytter پاراقشاسىندا جازدى.
«دەنساۋلىق ساقتاۋ مينيسترلىگى مەن «س ق- فارماتسيا» باسشىلىعى مەديتسينا قىزمەتكەرلەرىنە بەرىلەتىن جەكە قورعانىس زاتتارىنىڭ ساپاسى مەن ءتيىستى كولەمدە جەتكىزىلۋىن قاتاڭ باقىلاۋى قاجەت» دەپ اتاپ ءوتتى قاسىم-جومارت توقايەۆ.
ونىڭ ايتۋىنشا، دەنساۋلىق ساقتاۋ سالاسىنا شەكتەن تىس كۇش ءتۇسۋ قاۋپى بار.
«ۇكىمەت پەن اكىمدەر شۇعىل تۇردە جانساقتاۋ بولىمدەرىن قۇرالدارمەن جابدىقتاپ، وعان باس دارىگەرلەر مەن اكىم ورىنباسارلارىن جاۋاپتى رەتىندە بەكىتۋى كەرەك» دەپ جازادى پرەزيدەنت.
ەسكە سالا كەتەيىك، كەشە مەملەكەت باسشىسى ەلىمىزدەگى كوروناۆيرۋس ىندەتىنە بايلانىستى ەپيدەميولوگيالىق احۋال جونىندە كەڭەس وتكىزدى.
