ا ق ش قارىم-قاتىناستىڭ ناشارلاعانىنا رەسەيدى كىنالادى

نۇر-سۇلتان. قازاقپارات - ا ق ش مەملەكەتتىك دەپارتامەنت وكىلى نەد پرايس رەسەي س ءى م باسشىسى سەرگەي لاۆروۆتىڭ ەكىجاقتى بايلانىس تۋرالى ايتقان سوزىنە جاۋاپ بەردى.

ول ەكى ەلدىڭ قارىم-قاتىناسى ناشارلاۋىنا رەسەي كىنالى ەكەنىن ايتتى، - دەپ حابارلايدى Tengrinews.kz ءتىلشىسى.

پرايس ا ق ش- تىڭ رەسەي تاراپىنا شاعىمدارىن ءتىزىپ شىقتى. ونىڭ ىشىندە «2016 جانە 2020-جىلدارداعى دەموكراتياعا شابۋىل»، امەريكالىق ساربازداردىڭ باسى ءۇشىن تاليباندارعا ماراپات ۇسىنۋ حابارلاماسى، كيبەرشابۋىلدار مەن SolarWinds- ءتى بۇزۋ، الەكسەي ناۆالنىيدى ۇستاۋ مەن ۋكراينا جاعدايى بار. پرايستىڭ ايتۋىنشا، مۇنىڭ ءبارى ەكىجاقتى قاتىناستىڭ ناشارلاۋىنا سەبەپ بولعان. ماسكەۋ بارلىق ايىپتاۋدى جوققا شىعارادى.

«رەسەيمەن تۇراقتى قارىم-قاتىناس بولعانىن قالايتىنىمىز راس. كەلىسپەۋشىلىكتەر بار، ال قارىم-قاتىناس قانداي ەكەنىن بىلەمىز. سوعان قاراماستان مۇددەلەر سايكەس بولۋىن جوققا شىعارمايمىز»، - دەدى پرايس.

بۇعان دەيىن س ءى م رەسەيدىڭ ا ق ش- تاعى ەلشىسى اناتولي انتونوۆتى كەڭەس الۋعا ماسكەۋگە شاقىرعان بولاتىن. ونىڭ ۆاشينگتونعا ورالۋ مەرزىمى ءالى شەشىلگەن جوق، دەدى رەسەي پرەزيدەنتىنىڭ باسپا ءسوز حاتشىسى دميتري پەسكوۆ ر ي ا نوۆوستيگە.

رەسەي س ءى م باسشىسى سەرگەي لاۆروۆ انتونوۆتىڭ ۆاشينگتونعا ورالۋ مەرزىمى تۋرالى ماسەلەنى پرەزيدەنت ۆلاديمير پۋتين شەشەتىنىن ايتقان.