قازاقستاننىڭ ۇزدىك جاس تەننيسشىلەرى انىقتالدى

نۇر-سۇلتان. قازاقپارات - الماتىداعى «ەيس» تەننيس ورتالىعىندا تەننيستەن قازاقستان جاس وسپىرىمدەر چەمپيوناتىنىڭ فيناليستەرى انىقتالدى، دەپ حابارلايدى قازاقپارات ءتىلشىسى.

قازاقستان تەننيس فەدەراتسياسى ءمالىم ەتكەنىندەي، بىرىنشىلىكتىڭ وتكەن جىلعى جەڭىمپازى جانەل رۇستەموۆا جارتىلاي فينالدا ساعات جارىمعا سوزىلعان تارتىستى باسەكەدە ەركەجان ارىستانبەكوۆادان 7:6 (7:4)، 6:4 ەسەبىمەن باسىم ءتۇستى.

ماتچتان كەيىن ج. رۇستەموۆا ەل چەمپيوناتىندا ەكىنشى رەت فينالعا وتكەنىنە ريزا ەكەندىگىن، ەرتەڭگى ويىندا بارىن سالاتىنىن جەتكىزدى.

فينالعا تاعى ءبىر جولدامانى ايا نۇپباي جەڭىپ الدى. ول ەركەجاننىڭ ءسىڭلىسى اسىلجان ارىستانبەكوۆانى 7:5، 0:6، 6:3 ەسەبىمەن تىزە بۇكتىردى.

بوزبالالار اراسىندا فينالعا العاشقى بولىپ قاراعاندىلىق ارسلانبەك ايتقۇلوۆ شىقتى. ول پاۆلودارلىق يليا ۆەدمەدتى 6:4، 6:3 ەسەبىمەن قاپى قالدىردى.

ەلوردالىق يسلام ورىنباسار جارتىلاي فينالدا الماتىلىق جانگەر الماشيەۆتى 6:4، 6:3 ەسەبىمەن ۇتتى. جەڭىلگەن تەننيسشىلەر قولا جۇلدە ءۇشىن كورتقا شىعادى. ەرتەڭ سونداي-اق جۇپتىق سىندا جەڭىمپاز-جۇلدەگەرلەر انىقتالادى.

قىزدار اراسىندا ەركەجان مەن اسىلجان ارىستانبەكوۆالار ەلوردالىق جانەل وسپانوۆا مەن شىمكەنتتىك ادەمى امانكەلدىمەن چەمپيوندىق اتاقتى ساراپقا سالادى.

بوزبالالاردان ي. ورىنباسار مەن اقتاۋلىق دانيال راحماتۋللايەۆ سوڭعى باسەكەدە اقتوبەلىك الەكساندر چەرنوماز بەن قاراعاندىلىق ا. ايتقۇلوۆپەن كەزدەسەدى. الماتىلىقتار ەلەنا كيم مەن ماريا سينيتسىنا - ەلوردالىق ۋليانا رومانوۆا مەن الماتىلىق ا. نۇپباي، قىزىلوردالىق ەراسىل ەردىلدا مەن الماتىلىق دانيل فەلكەر - الماتىلىقتار ج. الماشيەۆ پەن كيريلل كولگانوۆ جۇپتارى قولا مەدال ءۇشىن تالاسادى.

ەسكە سالا كەتەيىك، بۇدان بۇرىن الەكساندر بۋبليكتىڭ مايامي تۋرنيرىنىڭ جارتىلاي فينالىنا شىعا الماعانىن جازعان بولاتىنبىز.