الماتىنىڭ تاريحي ورتالىعىن ساقتاۋ بويىنشا قانداي شارالار قابىلداندى؟

الماتى. قازاقپارات - الماتىنىڭ تاريحي ورتالىعىن ساقتاۋ بويىنشا شارالار قابىلداندى، دەپ حابارلايدى قازاقپارات ءتىلشىسى.

مەملەكەت باسشىسىنىڭ مەگاپوليس ورتالىعىنىڭ ساۋلەتتىك كەلبەتىن ساقتاۋ جونىندەگى تاپسىرماسىنا سايكەس 36 ۋچاسكە بويىنشا شارالار پاكەتى قابىلداندى. قالالىق جوسپارلاۋ جانە ۋربانيستيكا باسقارماسى اتاپ وتكەندەي، قالانىڭ تاريحي ورتالىعىنىڭ شەكاراسىنداعى نۇكتەلى قۇرىلىس وبەكتىلەرىندە جەكە مەنشىكتەگى ءبىرقاتار جەر ۋچاسكەلەرى انىقتالدى.

ونىڭ ىشىندە 8 ۋچاسكە اۋماقتى اباتتاندىرۋ جانە كوگالداندىرۋ ارقىلى قوعامدىق كەڭىستىكتى ۇيىمداستىرۋ ءۇشىن ساتىپ الىنادى.

جەر ۋچاسكەلەرىنىڭ ءتىزىمى:

- تولە ءبي كوشەسىنىڭ وڭتۇستىگى، ماسانچي كوشەسىنىڭ باتىسى؛

- قازىبەك ءبي كوشەسىنىڭ وڭتۇستىگى، دوستىق داڭعىلىنىڭ باتىسى؛

- قازىبەك ءبي كوشەسىنىڭ سولتۇستىگى، قالداياقوۆ كوشەسىنىڭ باتىسى؛

- جەلتوقسان ك- ءسى، 133 «ا»؛

- رايىمبەك داڭعىلىنان وڭتۇستىككە قاراي، چايكوۆسكي كوشەسىنەن شىعىسقا قاراي؛

- جىبەك جولى داڭعىلى، 67؛

- گوگول كوشەسىنىڭ سولتۇستىگى، ن. نازاربايەۆ داڭعىلىنىڭ شىعىسى؛

- ماقاتايەۆ - جەلتوقسان ك- ءسى، 97/53.

«بۇل شارا اۋلا اۋماقتارىنداعى ۋچاسكەلەردىڭ بولۋىنا جانە ولاردا كوپتەگەن جاسىل جەلەكتەردىڭ ورنالاسۋىنا، سونداي-اق قولدانىستاعى قالا قۇرىلىسى رەگلامەنتتەرىنە سايكەس كەلمەۋىنە بايلانىستى قابىلدانادى»، - دەپ حابارلادى باسقارمادان.

سونىمەن قاتار، ورتالىق بولىكتە جاسىل ايماقتاردى ۇيىمداستىرۋ ءۇشىن ەكى ۋچاسكەنى الىپ قويۋ جوسپارلانۋدا: گوگول كوشەسىنىڭ سولتۇستىگى، ابىلاي حان داڭعىلىنىڭ باتىسى جانە قونايەۆ كوشەسى، 99 ا.

بۇرىن بەرىلگەن رۇقسات قۇجاتتارى بار 10 ۋچاسكە بويىنشا ولاردى يگەرۋدى اياقتاۋ تۋرالى شەشىم قابىلداندى. بۇل رەتتە ىرگەلەس اۋماقتاردى اباتتاندىرۋ بويىنشا ماماندار مەن تۇرعىنداردىڭ ۇسىنىستارى ەسكەرىلەتىن بولادى.

سونىمەن قاتار، ءبىرقاتار نىساندار بويىنشا وكرۋگتەگى قاباتتىلىق ەسكەرىلەتىن بولادى. تىزىممەن باسقارمانىڭ https://almaty.uaig.kz / سايتىندا «جاڭالىقتار» بولىمىندە تانىسۋعا بولادى.

5 ۋچاسكە بويىنشا يەلەرىنە بۇرىن بۇزىلعان عيماراتتاردى قالپىنا كەلتىرۋ ۇسىنىلدى:

- نازاربايەۆ داڭعىلى مەن قابانباي باتىر كوشەسىنىڭ قيىلىسى؛

- قازىبەك ءبي كوشەسى، 39، قالداياقوۆ كوشەسى، 29؛

- قاراساي باتىر كوشەسىنىڭ سولتۇستىگى، پانفيلوۆ كوشەسىنىڭ شىعىسى؛

- ايتەكە ءبي كوشەسىنىڭ سولتۇستىگى، 79/102/71 (ابىلاي حان داڭعىلى / جەلتوقسان كوشەسى ارالىعىندا)؛

- پانفيلوۆ كوشەسى، 106-1930-جىلداردىڭ ورتاسىندا سالىنعان قازاق مەملەكەتتىك تابيعاتتى قورعاۋ كوميتەتىنىڭ عيماراتى.

7 جەر ۋچاسكەسىن ازىرلەنگەن قۇرىلىس سالۋ ەرەجەلەرىنە سايكەس يگەرۋ ۇسىنىلادى:

- ايتەكە ءبي كوشەسىنىڭ وڭتۇستىگى، جەلتوقسان كوشەسىنىڭ باتىسى؛

- قاراساي باتىر كوشەسى، 88 «ب»- 88 «ۆ»؛

- گوگول كوشەسىنىڭ وڭتۇستىگى، ابدۋلليندەر كوشەسىنىڭ باتىسى؛

- نازاربايەۆ داڭعىلىنان شىعىسقا قاراي، بوگەنباي باتىر كوشەسىنەن وڭتۇستىككە قاراي-تەك اباتتاندىرۋ ءۇشىن؛

- قونايەۆ كوشەسىنىڭ شىعىسى، شيەۆچەنكو كوشەسىنىڭ سولتۇستىگى-تەك اباتتاندىرۋ ءۇشىن؛

- گوگول كوشەسىنىڭ سولتۇستىگى، ابدۋلليندەر كوشەسىنىڭ شىعىسى؛

- امانگەلدى كوشەسى، 52.

شيەۆچەنكو- پانفيلوۆ-قۇرمانعازى-بايسەيىتوۆا كوشەلەرىنىڭ تورتتىگىندەگى ەكى ۋچاسكە قالانىڭ كوممۋنالدىق مەنشىگىنە قايتارىلدى.

بۇل اۋماقتاردا قالالىق ساياباق سالۋ جوسپارلانۋدا. ماسانشى كوشەسى - جامبىل كوشەسى 67/101 جانە ناۋرىزباي باتىر كوشەسى، 29/1 ەكى نىسان بويىنشا سوت پروتسەستەرى جالعاسۋدا.

بۇعان دەيىن، الماتى اكىمى باقىتجان ساعىنتايەۆ تاريحي ورتالىقتا، سونداي-اق تۇرعىن ۇيلەردىڭ اۋلالارىندا ناقتى قۇرىلىس جۇمىستارى توقتاتىلاتىنىن مالىمدەگەن بولاتىن. بۇل شەكتەۋلەر قالا اكىمى ب. ساعىنتايەۆتىڭ تاپسىرماسى بويىنشا ازىرلەنگەن ساۋلەت كەلبەتىن قالىپتاستىرۋ جانە قالا قۇرىلىسىن جوسپارلاۋ قاعيدالارىندا كورسەتىلگەن.

قۇجات جوباسى 8- ساۋىرگە دەيىن «اشىق ن ق ا» سايتىندا كوپشىلىك تالقىلاۋ ءۇشىن جاريالاندى.