20:50, 01 - ءساۋىر 2021 | GMT +5
قازاقستانداعى ۆاكتسينا قۇيۋ جەلىسى بيىلعى تامىز- قىركۇيەك ايلارىندا ىسكە قوسىلادى
نۇر- سۇلتان. قازاقپارات - ۆاكتسينا قۇيۋ جەلىسى 2021 -جىلدىڭ تامىز- قىركۇيەك ايلارىندا ىسكە قوسىلادى. بۇل تۋرالى جامبىل وبلىسىنىڭ اكىمى بەردىبەك ساپاربايەۆ ايتتى، دەپ حابارلايدى قازاقپارات اقورداعا سىلتەمە جاساپ.
مەملەكەت باسشىسى ەپيدەميولوگيالىق احۋال جونىندە وتكەن كەڭەستە جامبىل وبلىسىنىڭ اكىمىنەن قازاقستاندىق ۆاكتسينا شىعاراتىن زاۋىتتىڭ پايدالانۋعا بەرىلۋ مەرزىمى تۋرالى سۇراپ، كاسىپورىنعا ءوزى باراتىنىن ايتتى.
«ۆاكتسينا قۇيۋ جەلىسى 2021 -جىلدىڭ تامىز- قىركۇيەك ايلارىندا ىسكە قوسىلادى. زاۋىت وسى كەزدەن باستاپ ۆاكتسينا شىعارا باستايدى،-دەدى بەردىبەك ساپاربايەۆ.
پرەزيدەنت جيىن سوڭىندا قازاقستان حالقىن ۆاكتسينا سالۋ ماسەلەسىنە جاۋاپكەرشىلىكپەن قاراپ، ءتۇرلى قاۋەسەتتەرگە سەنبەۋگە شاقىردى. بارشا قازاقستاندىقتاردىڭ دەنساۋلىعى جانە ماتەريالدىق يگىلىگى جاپپاي ۆاكتسينا سالدىرۋدىڭ ءساتتى وتۋىنە بايلانىستى بولماق.
