تۇرعىنداردىڭ ىندەتكە قارسى يممۋنيتەتىن كوتەرۋ جۇمىسى ءتيىمدى اقپاراتتىق ءتۇسىندىرۋ شارالارىمەن قاتار ءجۇرۋى كەرەك - توقايەۆ

نۇر-سۇلتان. قازاقپارات - تۇرعىنداردىڭ ىندەتكە قارسى يممۋنيتەتىن كوتەرۋ جۇمىسى ءتيىمدى اقپاراتتىق ءتۇسىندىرۋ شارالارىمەن قاتار ءجۇرۋى كەرەك.

بۇل تۋرالى كوروناۆيرۋس ىندەتىنە قارسى ءىس-قيمىل جونىندەگى جيىن بارىسىندا ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«تۇرعىنداردىڭ ىندەتكە قارسى يممۋنيتەتىن كوتەرۋ جۇمىسى ءتيىمدى اقپاراتتىق ءتۇسىندىرۋ شارالارىمەن قاتار ءجۇرۋى كەرەك. وسى ماڭىزدى جۇمىسقا كاسىبي مامانداردى، جاپپاي ەكپە سالۋدى قولدايتىن بەلسەندى ازاماتتاردى تارتقان ءجون»، - دەدى مەملەكەت باسشىسى. ق ر پرەزيدەنتى بۇل باعىتتا وتاندىق بيزنەستىڭ ۇستانىمى وتە ماڭىزدى ەكەندىگىن باسا ايتتى.

«ويتكەنى، ۇجىمدىق يممۋنيتەت قالىپتاسپاي، سانيتارلىق شەكتەۋدى تولىعىمەن الىپ تاستاۋ مۇمكىن ەمەس. قىزمەتكەرلەرمەن جانە ولاردىڭ وتباسى مۇشەلەرىمەن ءتۇسىندىرۋ جۇمىسىن جۇرگىزۋ قاجەت»، - دەدى قاسىم-جومارت توقايەۆ.

اۆتور: مارلان جيەمباي