قازاق عالىمى كوروناۆيرۋستىڭ پسيحولوگيالىق سالدارى جايلى ايتتى
«كوروناۆيرۋستىڭ ءۇشىنشى تولقىنى باستاۋ الدى، ساقتىق شارالارىن تولىققاندى ۇستانباساق، زاردابى اۋىر بولارى ءسوزسىز. قازاعىمنىڭ «ساق جۇرسەڭ، ساۋ جۇرەسىڭ» دەۋى ءقازىر وزەكتى بولىپ وتىر.
ىندەتپەن كۇرەسۋدىڭ ناتيجەلى بولۋى ءۇشىن ەڭ اۋەلى ادامعا سابىر، ءتوزىم كەرەك. ويتكەنى، ءدال وسى كەسەلدىڭ پسيحولوگيالىق سالدارى - وتە اۋىر. ءبىز - نەبىر جاۋگەرشىلىك زاماندى، اشارشىلىق ناۋبەتىن، ءتۇرلى اۋىرتپالىق كورگەن جانە ونى جەڭگەن رۋحى بەرىك حالىقپىز. مۇنى دا جەڭەمىز!
يممۋنيتەتتى كوتەرۋ، اۋرۋعا اعزانىڭ قارسى تۇرۋ قابىلەتىن ارتتىرۋعا قازاقتىڭ ۇلتتىق تاعامدارىنىڭ پايداسى ەرەكشە. اس مازىرىندە بالىق، جەمىس- جيدەك سەكىلدى دارۋمەندەرگە باي تاعامدار بولۋى قاجەت. ەڭ قۇدىرەتتىسى جىلقى ەتى مەن قىمىز. ەت تاعامدارىن مولىراق تۇتىنۋ كەرەك.
وسى ورايدا «جاقىنىڭدى قانشالىقتى جاقسى كورسەڭ، سونشالىقتى ودان الشاق بولۋدى» ۋاعىزدايمىن. مۇنى ەستىگەن ادام قاراما-قايشى ويدا بولۋى مۇمكىن. بۇل بۇگىنگىنىڭ ۇستانىمى. ءبىر-بىرىمىزگە قامقورلىق تانىتايىق! توڭىرەگىمىزدەگى ادامداردىڭ امان- ساۋلىعىنا جاۋاپكەرشىلىكپەن قارايىق!» دەيدى تورەگەلدى شارمان ۇلى.
