ەلوردادا اپاتتىق جاعدايداعى ءۇيدىڭ يەسىنە قانداي پاتەر بەرىلۋى كەرەك
نۇر-سۇلتان قالاسىنىڭ تۇرعىن ءۇي جانە تۇرعىن ءۇي ينسپەكتسياسى باسقارماسىنىڭ ماماندارى رەداكتسيا جولداعان ساۋالعا وسىلاي دەپ جاۋاپ بەردى.
«جوبانىڭ شارتتارىنا سايكەس، اپاتتى ۇيلەردىڭ مەنشىك يەلەرىنە بۇزىلاتىن تۇرعىن ءۇيدىڭ بولمەلەرىنىڭ سانىنا جانە وتباسى مۇشەلەرىنىڭ سانىنا ء(بىراق ءبىر بولمەلى پاتەردەن كەم ەمەس) بايلانىستىرماي، بۇزىلاتىن اپاتتىق تۇرعىن ءۇيدىڭ ورنىنا اۋدانى بويىنشا تەڭ مولشەردەگى جاڭا پاتەرلەر بەرىلەدى»، - دەلىنگەن جاۋاپتا.
باسقارما ماماندارى سۇرىلگەن نىسان تۇرعىن ءۇي بولماسا ونىڭ شىعىنى اقشالاي دا قايتارىلۋى مۇمكىن ەسكەرتەدى.
«تۇرعىن ەمەس ءۇي- جايلاردىڭ مەنشىك يەلەرىنە مەنشىك يەسىنىڭ قالاۋى بويىنشا مۇلىكتىڭ نارىقتىق قۇنى بويىنشا اقشالاي وتەماقى نەمەسە اۋدانى بويىنشا كولەمى بىردەي تۇرعىن ەمەس ءۇي- جايلار بەرىلەدى»، - دەيدى اكىمدىك وكىلدەرى.
