ەكس-مينيستر ەلجان ءبىرتانوۆتىڭ دەنساۋلىعى سىر بەردى - ب ا ق

قازىرگى تاڭدا وعان مەديتسينالىق كومەك كورسەتىلىپ جاتىر. بۇل تۋرالى بۇرىنعى باس دارىگەردىڭ ادۆوكاتى دميتري كۋرياچەنكو «استانا TV» تىلشىلەرنە بەرگەن سۇحباتىندا ايتتى، - دەپ حابارلايدى Tengrinews.kz ءتىلشىسى.

قورعاۋشى ونى ءۇي قاماعىندا نەگىزسىز ۇستاپ وتىرعانىنا نارازى. ول «ءبىرتانوۆتىڭ ىسىنە» كەدەرگى كەلتىرۋ دەپ ەسەپتەيدى. ادۆوكاتتىڭ سوزىنشە، تەرگەۋ ارەكەتتەرى كەزىندە ءىس ءبىر جاقتى بولىپ قالادى. ياعني، تەرگەۋشىلەر ەلجان ءبىرتانوۆتى قۋدالاۋدىڭ بارلىق سەبەبىن قاراستىرىپ جاتىر دەگەن پىكىردە.

سونداي-اق ول ەكس-ءمينيستردىڭ اقشا جىمقىرۋ جانە ىسىراپ ەتۋ دەرەگىنە ناقتى دالەلدىڭ جوعىن العا تارتتى. ايتا كەتەيىن، ەلجان ءبىرتانوۆتى ءۇيقاماقتا ۇستاۋ مەرزىمى 30- ساۋىرگە دەيىن ۇزارتىلعان بولاتىن.

«كەرىسىنشە، ونىڭ كىناسىزدىگىن راستايتىن فاكتىلەر جەتەرلىك. نەگىزگى كۇدىك حورۆاتيالىق «ەريكسون نيكولا تەسلا» كومپانياسىنىڭ ينتەگراتسيالانعان دەنساۋلىق ساقتاۋ پلاتفورماسىنىڭ جەتكىزۋشىسى جاساعان بولجامدارعا نەگىزدەلگەن.

الايدا ءتىپتى EGOV سايتىندا ازاماتتار انىقتاعان مەديتسينالىق مەكەمەلەردە تىركەۋ تۋرالى جاقىندا بولعان جانجال پلاتفورمانىڭ جۇمىس ىستەپ تۇرعانىن راستايدى. باس پروكۋراتۋرا ءبىرتانوۆتى قورعاۋدىڭ ءوتىنىشىن قولداپ، تەرگەۋ تۋرالى «ەريكسون نيكولا تەسلانىڭ» قاتىسۋىمەن قايتا ساراپتاما تاعايىندادى»، - دەدى ادۆوكات دميتري كۋرياچەنكو .