ەلباسى تۇركى كەڭەسىنىڭ بەيرەسمي سامميتىندە لاتىن الىپبيىنە قاتىستى پىكىر ءبىلدىردى

نۇر- سۇلتان. قازاقپارات - لاتىن ءالىپبيى تۇركى الەمىنىڭ ورتاق جۇيەسىن قالىپتاستىرادى. بۇل تۋرالى تۇركى تىلدەس مەملەكەتتەر ىنتىماقتاستىعى كەڭەسىنىڭ بەيرەسمي سامميتىندە ەلباسى، تۇركى كەڭەسىنىڭ قۇرمەتتى ءتوراعاسى نۇرسۇلتان نازاربايەۆ ءمالىم ەتتى، دەپ حابارلايدى قازاقپارات ءتىلشىسى .

«ءبىز مادەني- گۋمانيتارلىق دامۋمەن بىرگە ءبىر- بىرىمىزدەن كوپ نارسە ۇيرەنە الامىز. لاتىن ءالىپبيىن قولدانۋ ورتاق جۇيە قالىپتاستىرۋعا مۇمكىندىك بەرەدى. سونىڭ ارقاسىندا ءبىز جاستاردى جاھاندىق دەڭگەيدە دامىتۋعا مۇمكىندىك الامىز»، - دەدى ەلباسى.

سونىمەن قاتار ن. نازاربايەۆ كورناۆيرۋس پاندەمياسىنىڭ سالدارىنا توقتالىپ، الەم ەلدەرى قيىندىقتارعا تاپ بولعانىن اتاپ ءوتتى.

«بۇعان دەيىن داعدارىستار بولدى. الايدا پاندەميانىڭ سالدارى الدەقايدا قاتتى بولىپ تۇر»، - دەپ اتاپ كورسەتتى نازاربايەۆ.

بۇگىنگى سامميت بارىسىندا ق ر تۇڭعىش پرەزيدەنتى ءوزىن تۇركى كەڭەسىنىڭ قۇرمەتتى ءتوراعاسى رەتىندە سايلاعانى ءۇشىن ۇيىمعا مۇشە ەلدەردىڭ باسشىلارىنا العىسىن ايتتى.