پاندەميا كەزىندە ۆاكسينا ەگەتىن جانۋار تابۋدىڭ ءوزى قيىن بولدى - ەركىن داۋىتبايەۆ

نۇر- سۇلتان. قازاقپارات – ق ر ءبىلىم جانە عىلىم ۆيتسە- ءمينيسترى وتاندىق ۆاكسينا ەڭ العاش قانداي جانۋارعا ەگىلگەنىن ايتتى، دەپ حابارلايدى قازاقپارات.

قازاقستاندىق Qazcovid-in ۆاكسيناسى ەڭ العاش سيريالىق اتجالماندار مەن ماكاكالارعا ەگىلگەن. ءبىلىم جانە عىلىم ءمينيسترىنىڭ ورىنباسارى ەركىن داۋىتبايەۆ اتالمىش پروتسەستىڭ ءبارى قالاي ۇيىمداستىرىلعانىن بايانداپ بەردى.

«كورناۆيرۋس ينفەكتسياسىنا قارسى ۆاكسينا دايىنداۋ جونىندەگى عىلىمي- تەحنيكالىق باعدارلاما 3 جىلعا ارنالعان. بىلتىر ماقۇلدانعان بولاتىن جانە قىسقا مەرزىمنىڭ ىشىندە كوروناۆييرۋسقا قارسى 5 ۆاكسينانىڭ ءبىرى رەتىندە بىلتىر دايىن بولدى. ءتيىستى شتامم الىنعاننان كەيىن 1,5-ايدىڭ ىشىندە جاساپ شىعاردىق»، - دەيدى ۆيتسە- مينيستر.

ول اتالمىش ۆاكتسينانى كلينيكاعا دەيىنگى سىناقتان وتكىزۋ كەزىندە جانۋار تاپپاي ءبىراز قينالعاندارىن ەسكە الدى. ويتكەنى د د س ۇ تالابى بويىنشا ۆاكسينانى كەز كەلگەن جانۋارعا سىناۋعا بولمايتىن.

«ۆاكسينا الىنعان كەزەڭدە كلينيكاعا دەيىنگى سىناقتاردى ينستيۋتتىڭ وزىندە جاساۋعا دايىن بولدىق. دۇنيەجۇزىلىك دەنساۋلىق ساقتاۋ ۇيىمىنىڭ تالابىنا ساي بۇل زەرتتەۋلەر ءتۇرلى جانۋارلارعا جاسالدى. سونىڭ ىشىندە ءبىرىنشى سيريالىق اتجالماندار، كەيىن ماكاكالار بولدى. پاندەميا كەزىندە ءبىز الەم بويىنشا بۇل جانۋارلاردىڭ جەتپەي جاتقانىن سەزىندىك. ۇكىمەتتىڭ قولداۋىمەن ىزدەپ، ساتىپ الۋعا ءماجبۇر بولدىق. بۇل ماسەلەدە ۇكىمەت بىزگە بەلسەندى كومەكتەستى»، - دەدى ەركىن داۋىتبايەۆ.