الماتىدا كوروناۆيرۋستىڭ مۋتاتسيالانعان شتامدارى تاراپ جاتىر - دارىگەرلەر

الماتى. قازاقپارات - الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى قالادا مۋتاتسيالانعان شتامداردىڭ تاراپ جاتقانىن مالىمدەپ، الماتىلىقتاردى قورعانۋ شارالارىن كۇشەيتۋگە شاقىرادى، دەپ حابارلايدى قازاقپارات ءتىلشىسى.

مەگاپوليستە ەپيدەميولوگيالىق جاعداي ۋشىعىپ تۇر. الماتى قالاسى «قىزىل ايماقتا». ەپيدەميا باستالعالى بەرى قالادا كوروناۆيرۋس ينفەكتسيانىڭ 34083 جاعدايى تىركەلگەن، جىل باسىنان بەرى- 15562 كوروناۆيرۋس جۇقتىرعان ناۋقاس انىقتالدى.

سوڭعى 7 كۇندە اۋرۋ كورسەتكىشى R-1,114 رەپرودۋكتيۆتى سانىندا 149,4 قۇرادى. 30- ناۋرىز كۇنى 526 جاعداي تىركەلدى، تاۋلىكتىك ءوسىم 1,5 پايىز.

«اۋرۋ جۇقتىرۋدىڭ كوبەيۋى مۋتاتسيالانعان شتاممداردىڭ انىقتالۋىنا بايلانىستى. وندا ينكۋباتسيالىق كەزەڭ قىسقا. ەپيدەميانىڭ دامۋ ديناميكاسىنىڭ سوڭعى 7 كۇنگى سيپاتتاماسى مىنانداي: 23- ناۋرىزدا - 380 جاعداي، 24- ناۋرىزدا - 341 جاعداي، 25- ناۋرىزدا - 330 جاعداي، 26- ناۋرىزدا - 450 جاعداي، 27- ناۋرىزدا - 510 جاعداي، 28- ناۋرىزدا-415 جاعداي، 29- ناۋرىزدا - 545 جاعداي، 30- ناۋرىزدا - 526 جاعداي»، - دەيدى الماتى قالاسى سانيتارلىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا.

دەپارتامەنت تاراتقان مالىمەتكە سايكەس، كۇشەيتىلگەن كارانتين شارالارىنىڭ ارقاسىندا ساۋدا ورتالىقتارىنداعى جۇعۋ دەڭگەيى ءسال تومەندەگەن. ماسەلەن، ول %23,7 دان %20,5 دەيىن ازايعان.