وليمپيادادا گرەك-ريم مەن ەركىن كۇرەستەن قازاقستان نامىسىن كىمدەر قورعايدى؟
بيىل XXXII جازعى وليمپيادادا ەركىن كۇرەس 1-7- تامىز، گرەك-ريم كۇرەسىنەن باسەكەلەر 1-4- تامىز ارالىعىندا وتەدى. ەركىن كۇرەستەن ەرلەر التى، ايەلدەر التى سالماقتا، گرەك-ريم كۇرەسىنەن 6 سالماقتا تەك ەرلەر اراسىنداعى مىقتى سپورتشىنى انىقتايدى.
جالپى 18 جۇلدە جيىنتىعى ساراپقا سالىنادى. توكيو وليمپياداسىندا ەركىن كۇرەس پەن گرەك-ريم دوداسىن 1989-جىلى 9- قازاندا اشىلعان «ماكۋحاري مەسسە» كونفەرەنتس-ورتالىعى قابىلدايدى. سونىمەن قاتار بۇل كەشەندە تاەكۆوندو (ا زالى) مەن سەمسەرلەسۋ (ۆ زالى) سپورتىنان دا دودالار وتەدى. ءتۇرلى كەزدەسۋ مەن كورمە وتكىزۋگە ارنالعان نىسان تريبۋناسىنا 6 مىڭنان 8 مىڭعا دەيىن جانكۇيەر سيادى.
گرەك-ريم كۇرەسى
گرەك-ريم كۇرەسى 1986-جىلى افينادا وتكەن العاشقى وليمپيا ويىندارىنان باستاپ 2016-جىلعا دەيىنگى ارالىقتا تەك ەرلەر اراسىندا 27 رەت ءوتىپتى. بيىل جاپونيا استاناسىندا ەرلەر عانا باق سىنايدى. وسى ارالىقتا قاتىسقان 101 مەملەكەتتىڭ 47-سىندە جۇلدە بار. جالپى 2649 اتلەت 601 مەدالدى (193 التىن، 195 كۇمىس، 213 قولا) ساراپقا سالعان.
جۇلدە بويىنشا كوش باسىندا تۇرعان قۇرامالار:
1. ك س ر و - 60 (34 التىن، 16 كۇمىس، 10 قولا)؛
2. شۆەتسيا - 58 (20+17+21)؛
3. فينليانديا - 58 (18+21+19)؛
4. ماجارستان - 39 (16+12+11)؛
5. رەسەي - 26 (12+7+7)؛
... 31. قازاقستان - 6 (1+1+4)؛
ەركىن كۇرەس
ەركىن كۇرەس العاش رەت وليمپيادا باعدارلاماسىنا 1904-جىلى ا ق ش- تىڭ سەنت-لۋيس قالاسىندا قوسىلعان. ال ايەلدەر اراسىندا 2004-جىلدان باستاپ وتكىزىلىپ كەلەدى.
توكيودا 27-رەت بۇل سپورت تۇرىنەن ءتورت جىلدىق باستى دوداسىندا اتلەتتەر جارىس كوركىن قىزدىرادى. وسى ۋاقىتقا دەيىن جالپى 120 مەملەكەتتىڭ بوزكىلەم شەبەرى باق سىناپ، 52 ەل جۇلدەگە يە بولعان.
جۇلدە بويىنشا كوش باسىندا تۇرعان ەلدەر:
1. ا ق ش قۇراماسى - 113 مەدال (49 التىن، 36 كۇمىس، 28 قولا)
2. ك س ر و - 56 (28+15+13) * قازىر رەسەي قۇراماسىنىڭ ناتيجەسى بولەك ەسەپتەلەدى
3. جاپونيا - 56 (28+14+14)
4. تۇركيا - 39 (18+12+9)
5. رەسەي - 34 (17+9+8)
... 30. قازاقستان - 11 (4 كۇمىس، 7 قولا)؛
بارلىعى 2926 سپورتشى قاتىسىپ، 683 جۇلدە جيىنتىعى ساراپقا سالىنعان (216 التىن مەن كۇمىس، 251 قولا).
ەركىن كۇرەستەن 2019-جىلعى الەم چەمپيوناتىنىڭ قورىتىندىسى بويىنشا وليمپيادا جولداماسىن يەلەنگەن سپورتشىلار:
1. نۇريسلام سانايەۆ (2014-جىلعا دەيىنگى ەسىمى - ارتاس ساناا) 1991-جىلى 9- اقپاندا رەسەي فەدەراتسياسى، تۋۆا رەسپۋبليكاسىنىڭ چادان قالاسىندا دۇنيەگە كەلگەن. قازىر اقتوبە وبلىسىنىڭ اتىنان 57 كيلوگرامدا ونەر كورسەتەتىن سپورتشىنىڭ ۇزدىك ناتيجەلەرى: ازيا چەمپيوناتىنىڭ قولا جۇلدەگەرى (2017)، ازيا چەمپيونى (2018)، الەم چەمپيوناتىنىڭ كۇمىس جۇلدەگەرى (2018)، الەم چەمپيوناتىنىڭ قولا جۇلدەگەرى (2019).
2. داۋلەت نيازبەكوۆ 1989-جىلى 12- اقپاندا قىزىلوردا وبلىسى جاڭاقورعان اۋدانىندا دۇنيەگە كەلگەن. 65 كيلوگرام سالماقتا بەلدەسەتىن سپورتشىنىڭ ۇزدىك ناتيجەلەرى: الەم چەمپيوناتىنىڭ قولا جۇلدەگەرى (2011)، ەكى دۇركىن ازيا چەمپيوناتىنىڭ قولا جۇلدەگەرى (2017، 2019)، الەم چەمپيوناتىنىڭ كۇمىس جۇلدەگەرى (2019).
3. دانيار قايسانوۆ 1993-جىلى 18- شىلدەدە شىعىس قازاقستان وبلىسىندا دۇنيەگە كەلگەن. 74 كيلوگرامم سالماقتا كۇش سىناساتىن سپورتشىنىڭ ۇزدىك ناتيجەلەرى: ازيا ويىندارىنىڭ كۇمىس جۇلدەگەرى (2018)، ەكى دۇركىن ازيا چەمپيونى (2019، 2020)، الەم چەمپيوناتىنىڭ قولا جۇلدەگەرى (2019)
4. الىشەر ەرعالي 1999-جىلى 12- ساۋىردە جامبىل وبلىسىندا دۇنيەگە كەلگەن. 97 كيلوگرام سالماقتا ەل نامىسىن قورعايتىن بالۋاننىڭ ۇزدىك ناتيجەلەرى: ازيا چەمپيوناتىنىڭ قولا جۇلدەگەرى (2019، 2020)، 2019 -جىلى وتكەن الەم چەمپيوناتىندا 5-ورىنعا تۇراقتاعان.
5.ۆالەنتينا يسلاموۆا 1992-جىلى 18- ناۋرىزدا دۇنيەگە كەلگەن.
2018 -جىلى قازاقستان ازاماتتىعىن العان، 50 كيلوگرامعا دەيىنگى سالماقتا باق سىنايتىن سپورتشىنىڭ ۇزدىك ناتيجەلەرى: ازيا چەمپيوناتىنىڭ قول جۇلدەگەرى (2019، 2020)، الەم چەمپيوناتىنىڭ قول جۇلدەگەرى (2019).
6.ەلميرا سىزدىقوۆا 1992-جىلى 5- اقپاندا قاراعاندى وبلىسىندا دۇنيەگە كەلگەن. 76 كيلوگرامعا دەيىنگى سالماقتا بەلدەسەتىن سپورتشىنىڭ ۇزدىك ناتيجەلەرى: ازيا چەمپيوناتىنىڭ قولا جۇلدەگەرى (2014، 2018، 2020)، ازيا چەمپيوناتىنىڭ كۇمىس جۇلدەگەرى (2015، 2016)، وليمپيادا (2016) مەن ازيا ويىندارىنىڭ (2018) قولا جۇلدەگەرى.
گرەك-ريم كۇرەسىنەن 2019-جىلى وتكەن الەم چەمپيوناتىنىڭ قورىتىندىسى بويىنشا وليمپيا ويىندارىنا جولداما العان سپورتشىلار:
1.مەيرامبەك ايناعۇلوۆ 1994-جىلى 17- اقپاندا اقتوبە وبلىسىندا دۇنيەگە كەلگەن.
60 كيلوگرامدا كۇش سىناساتىن اتلەتتىڭ ۇزدىك ناتيجەلەرى:
ازيا چەمپيوناتىنىڭ قولا جۇلدەگەرى (2016، 2018)، الەم چەمپيوناتىنىڭ كۇمىس جۇلدەگەرى (2017)، ازيا چەمپيونى (2018)، ازيا ويىندارىنىڭ قولا جۇلدەگەرى (2018)، الەم چەمپيوناتىنىڭ قولا جۇلدەگەرى (2019).
2. اسحات دىلمۇحامەدوۆ 1986-جىلى 26- شىلدەدە الماتى وبلىسىندا دۇنيەگە كەلگەن.
77 كيلوگرامدا ونەر كورسەتەدى.
ۇزدىك ناتيجەلەر: ازيا چەمپيوناتىنىڭ قولا جۇلدەگەرى (2011، 2016)، ازيا چەمپيونى (2018). سونىمەن قاتار 2019-جىلى وتكەن الەم چەمپيوناتىندا 5-ورىن العان.
