ەلەكتر ەنەرگياسىنا تاريفتى كوتەرۋ نارىق تالابى - ۆلاديمير مەلەجيك
تاريفتىڭ كوتەرىلۋىنىڭ سەبەبى تۋرالى «جامبىل گرەس» ا ق ديرەكتورلار كەڭەسىنىڭ مۇشەسى، باس ديرەكتورىنىڭ كەڭەسشىسى ۆلاديمير مەلەجيك ءتۇسىندىردى، دەپ حابارلايدى قازاقپارات ءتىلشىسى.
ونىڭ ايتۋىنشا، بۇگىنگى تاڭداعى تاريف ەلىمىزدەگى بارلىق ەلەكتر ستانسالارى ءۇشىن ءتيىمسىز. ويتكەنى ءاربىر ەلەكتر ستانساسىنىڭ وزىندىك قۇنى شەكتى تاريفتەن الدەقايدا جوعارى.
«شىعىستاردىڭ بارلىق بابى ەسكەرىلمەگەن، سوندىقتان سالانىڭ تۇراقتى دامۋى ءۇشىن ەلەكتر ەنەرگياسىنا شەكتى تاريفتەردى جىل سايىن ينفلياتسيا دەڭگەيىن ەسكەرە وتىرىپ تۇزەتۋ قاجەت، بۇل كوپتەگەن جىلدار بويى بولعان جوق. 2009-2015-جىلدار ارالىعىندا تاريف جىل سايىن ەرەجە بويىنشا 1- قاڭتاردان باستاپ كوتەرىلىپ، بارلىعى بۇل تۋرالى ءبىلدى، جوسپارلارىن جاساپ قۇرىپ، جاڭعىرتۋ جۇمىستارىن جۇرگىزدى»، - دەپ اتاپ ءوتتى ۆ. مەلەجيك.
ول اتاپ وتكەندەي، 2019-جىلى ەلەكتر قۋاتى نارىعى ەنگىزىلدى. سول كەزدە، قۋات اقىسى ستانسانىڭ قۋاتىن ارتتىرۋ ءۇشىن جاڭعىرتۋ جۇمىستارىن جۇرگىزۋگە جەتكىلىكتى دەڭگەيدە بولادى دەپ بولجاندى.
«الايدا، قۋات نارىعىنىڭ ەنگىزىلۋىمەن ەنەرگيا ءوندىرۋشى ستانسالارعا ەلەكتر ەنەرگياسىن وندىرۋگە ارنالعان بوساتۋ ءتاريفى تومەندەتىلدى، بۇل قارجىلىق تۇراقتىلىق پەن تەحنيكالىق تيىمدىلىكتىڭ ناشارلاۋىنا ايتارلىقتاي اسەر ەتتى»، - دەپ قوستى ول.
ۆ. مەلەجيكتىڭ ايتۋىنشا، ءاربىر ەنەرگيا ءوندىرۋشى ۇيىم ءوزىنىڭ بارلىق ەسەپتەۋى مەن نەگىزدەمەسى بار قۇجاتتار پاكەتىن 2020-جىلى قاراۋعا جىبەرگەن. وسى رەتتە، ول بۇگىنگى كۇنگى تۇيىتكىلدى ماسەلەلەرگە توقتالدى.
«ءبىز - ەنەرگيا ءوندىرۋشى ۇيىمبىز. تاراتۋشى ۇيىم بار، جەتكىزۋشى بار جانە پارادوكس بار، ءبىز ءبىر تىزبەكپەن بايلانىسىپ، سول ءونىمدى ساتامىز، ءبىراق تاريفتەر بىزگە ءارتۇرلى ورگانداردى بەكىتەدى: بىزگە - ەنەرگەتيكا مينيسترلىگى، ال جەتكىزۋشى ۇيىمدار مەن تاراتۋشىلارعا - تابيعي مونوپوليالاردى رەتتەۋدى باقىلاۋ دەپارتامەنتى جانە مونوپولياعا قارسى كوميتەت. مىنە، 1- ساۋىردەن باستاپ ەنەرگيا ءوندىرۋشى تاريف جوعارىلايدى، سوڭعىلارى ءوتىنىم بەرەدى جانە ولارعا ءتاريفتى بەكىتۋگە شامامەن 5-6 اي كەتەدى. تيىسىنشە الىمدار جوق، ولار بىزگە ساتىپ الىنعان ەلەكتر ەنەرگياسى ءۇشىن تولەمەيدى. مۇنداي كوللاپس ورىن الۋدا»، - دەپ تۇيىندەدى ۆ. مەلەجيك.
ەسكە سالا كەتەيىك، تاريفتەردى تۇزەتۋ 30 ناۋرىزدا قازاقستان رەسپۋبليكاسى ەنەرگەتيكا ءمينيسترىنىڭ ءتيىستى بۇيرىعىمەن جۇرگىزىلگەن بولاتىن. وسى بۇيرىق 2021-جىلعى 1- ساۋىردەن باستاپ ەنگىزىلۋى ءتيىس.
