الەكسەي سوي كوروناۆيرۋستىڭ جاڭا شتامى انىقتالعان وڭىرلەردى اتادى

قازاقستاندا دۇنيەجۇزىلىك دەنساۋلىق ساقتاۋ ۇيىمىمەن بىرلەسىپ Covid-19 شتامدارىن انىقتايتىن ەكسپرەسس پ ت ر- سكرينينگتىڭ جاڭا ءادىسى ەنگىزىلدى. ۇلتتىق قوعامدىق دەنساۋلىق ساقتاۋ ورتالىعى فيليالىنىڭ رەفەرەنس- زەرتحاناسى ك ۆ ي انىقتالعان ناۋقاستاردان الىنعان زەرتحانالىق ۇلگىلەردى زەردەلەدى.

« زەرتتەۋ قورىتىندىسى بويىنشا شىعىس قازاقستان، قوستاناي، پاۆلودار جانە سولتۇستىك قازاقستان وبلىسىنان وزگە وڭىرلەردە «بريتاندىق»،«وڭتۇستىك افريكالىق»، «برازيليالىق» شتامعا ءتان ىقتيمال مۋتاتسيا انىقتالدى. الماتى قالاسىندا ناۋقاستاردان الىنعان د ن ك- نىڭ سەكۆەنيرلەۋ ناتيجەسى بويىنشا «بريتاندىق» جانە «وڭتۇستىك افريكالىق» شتامىنىڭ اينالىمى بەلگىلەنگەن»،-دەدى ا. سوي.

ونىڭ ايتۋىنشا، دۇنيەجۇزىلىك دەنساۋلىق ساقتاۋ ۇيىمىنىڭ 2021 -جىلعى 30-ناۋرىزداعى دەرەكتەرى بويىنشا «بريتاندىق شتامم» 125 ەلدە، «وڭتۇستىك افريكالىق»- 75 ەلدە، ال «برازيليالىق» 41 ەلدە انىقتالدى.

كوروناۆيرۋستىڭ جاڭا شتامدارى مەن العاشقى شتامنىڭ بەلگىلەرى بىردەي - دەنە تەمپەراتۋراسى كوتەرىلەدى، جوتەل جانە ادام ءدام مەن ءيىس سەزبەي قالادى. د د ۇ مالىمەتتەرى بويىنشا ۆيرۋستىڭ ىقتيمال مۋتاتسياسى ادامداردىڭ ىندەتتى جۇقتىرۋ جيىلىگىنە قاراي ارتادى.

«جاڭا ۆيرۋس كوپ تاراعان ەلدەردىڭ تاجىريبەسىنە قاراساق، الەۋمەتتىك ارا قاشىقتىق ساقتاۋ ناتيجەسىندە جانە دەنساۋلىق ساقتاۋ ۇيىمدارىندا ينفەكتسيانىڭ الدىن- الۋ جانە باقىلاۋ شارالارىن قولدانۋ ارقىلى COVID-19 اۋرۋى تومەندەگەن»،-دەدى مينيستر.