تالدىقورعان قالاسى ەپيدەميلوگيالىق احۋال بويىنشا «قىزىل» ايماققا ەندى

تالدىقورعان. قازاقپارات - الماتى وبلىسىنىڭ ەپيدەميولوگيالىق احۋال ماتريتساسى بويىنشا تالدىقورعان قالاسى «قىزىل» ايماققا كىردى.

ناۋرىز ايىنىڭ باسىنان بەرى قالادا كوروناۆيرۋس جۇقتىرعاندار سانى 433 جەتكەن، دەپ حابارلايدى قازاقپارات ءتىلشىسى.

قالانىڭ باس سانيتار دارىگەرى ءساۋىردىڭ 1-15 ارالىعىندا كارانتين شارالارىن كۇشەيتۋ جونىندە شەشىم قابىلدادى. بۇل كۇندەرى وبلىس ورتالىعىنداعى جۇمىسشى سانى 20 دان اساتىن مەكەمەلەر مەن ۇجىم قىزمەتكەرلەرىنىڭ 70 پايىزى ونلاين فورماتتا جۇمىس ىستەيدى. سونداي- اق بارلىق ءبىلىم مەكەمەلەرىندە وقىتۋ قاشىقتىقتان جۇرگىزىلەدى. دەمالىس كۇندەرى لوكداۋن جاريالانىپ، ازىق- تۇلىك پەن قۇرىلىس ماتەريالدارىنان باسقا تاۋار ساتاتىن ساۋدا ورتالىقتارى، قوعامدىق تاماقتانۋ ورىندارى جابىلادى. سەنبى، جەكسەنبى كۇندەرى ساۋىقتىرۋ ورىندارى مەن قوعامدىق مونشا، ساۋنالار، تەاتر مەن كينوتەاترلار جۇمىس ىستەمەيدى.

«مۇعالىمدەر مەن وقۋشىلاردىڭ اراسىندا ەكى ايدىڭ ىشىندە 39 وقۋشى كوروناۆيرۋس ينفەكتسياسىمەن ناۋقاستاندى، سونداي- اق 17 ءمۇعالىم ىندەت جۇقتىردى. سول سەبەپتى ءبىز مەكتەپتەردى ونلاين رەجيمگە جىبەرىپ جاتىرمىز» دەيدى قالانىڭ باس سانيتار دارىگەرى ەرمەك اسەمقۇلوۆ.