جاس عالىمداردىڭ رەسپۋبليكالىق بايقاۋى وتەدى

الماتى. قازاقپارات - نۇرسۇلتان نازاربايەۆ قورى جاس عالىمدارعا رەسپۋبليكالىق بايقاۋ جاريالادى. بۇل جاس عالىمداردىڭ عىلىمي- زەرتتەۋ جوبالارى مەن جۇمىستارىن قارجىلاندىرۋعا جانە «جاس عالىمداردىڭ ۇزدىك كەڭەسى» بايقاۋىنا گرانت الۋ ءۇشىن قاجەت، دەپ حابارلايدى قازاقپارات.

عىلىمي- زەرتتەۋ جوبالارىنا جانە جاس عالىمداردىڭ قازاقستان رەسپۋبليكاسىنىڭ جوعارى وقۋ ورىندارى مەن عىلىمي ۇيىمدارىنداعى عىلىم، تەحنولوگيا جانە تەحنيكانىڭ باسىم باعىتتارى بويىنشا قولدانبالى عىلىمي سالاداعى ىزدەنىستەرىنە2021 -جىلدىڭ 26 - ناۋرىزى مەن 25 - ءساۋىرى اراسىندا بايقاۋ جاريالانعان. ونىڭ ماقساتى - قازاقستاننىڭ جاس عالىمدارىنىڭ يمپورتقا قابىلەتتى الەۋەتىن، جوعارى يننوۆاتسيالىق دارەجەسىن جانە الەۋمەتتىك ماڭىزىن كورسەتەتىن، بولاشاعى زور عىلىمي ەڭبەكتەرىن قولداۋ. بۇل بايقاۋدىڭ ىرىكتەۋ سىنىنا عىلىمي قىزمەتكەرلەر (عىلىمي ۇيىمدا، جوعارى وقۋ ورنىندا نەمەسە ونىڭ عىلىمي بولىمشەسىندە جۇمىس ىستەيتىن ادامدار)، عىلىمي دارەجەسى بار تۇلعالار (عىلىم كانديداتى نەمەسە دوكتورى، نەمەسە فيلوسوفيا دوكتورى (PhD)، ءوز سالاسى بويىنشا دوكتور) قاتىسا الادى. جاسى 40 تان اسپاۋى ءتيىس. عىلىمي جۇمىستارعا بەلسەندى قاتىسىپ جۇرگەن قازاقستان ازاماتى بولۋى كەرەك.

جاقىندا جاس عالىمداردىڭ ۇزدىك كەڭەسىن انىقتاۋ ماقساتىنداعى ەكىنشى بايقاۋ باستالدى. وعان سوڭعى وتىنىشتەر 2021 -جىلدىڭ 29 -ساۋىرىندە قابىلدانادى. بۇل بايقاۋ جاس عالىمدار كەڭەسىنىڭ (ج ع ك) جۇمىسىن دامىتۋعا سەپتىگىن تيگىزەدى. ول جاس عالىمداردىڭ باستامالارىن قولداۋعا، سونداي- اق، عىلىمي جوبالارىن ىسكە اسىرۋعا باعىتتالعان.

— 2007 -جىلى ەلباسىنىڭ باستاماسىمەن عىلىم سالاسىنداعى دارىندى جاستاردى تاۋىپ، ماراپاتتايتىن جاڭا ورگان - جاس عالىمدار قورى قۇرىلدى. كەيىن ول نۇرسۇلتان نازاربايەۆ قورى جانىنداعى عىلىم جونىندەگى كەڭەسكە اينالدى، — دەيدى PhD، نۇرسۇلتان نازاربايەۆ قورى جانىنداعى عىلىم جونىندەگى كەڭەس ءتوراعاسى، ق ر پرەزيدەنتى جانىنداعى ءقازي جەتەكشى عىلىمي قىزمەتكەرى ەرمەك توقتاروۆ .

— قور جانىنداعى عىلىم جونىندەگى كەڭەس و باستان قازاقستاننىڭ جاس عالىمدارى ءوز قابىلەتىن كورسەتىپ، ارىپتەستەرىنىڭ قولداۋىنا يە بولىپ، ءوزىن جانە عىلىمي ىزدەنىستەرىن كورسەتە الاتىن، وتاندىق عىلىمدى دامىتۋعا باعىتتالعان ءتۇرلى جوبالارعا قاتىسا الاتىن الاڭعا اينالعان. مۇنداي كەشەندى جۇمىس باسقا ۇيىمدار ءۇشىن دە ۇلگى بوپ وتىر. ال جاس عالىم مارتەبەسى ەلىمىزدىڭ قوعامى مەن عىلىمي ورتاسىندا بەرىك ورىن العان. ايتا كەتەيىك، ەكى بايقاۋدىڭ جەڭىمپازدارى عىلىمي- زەرتتەۋ جوبالارى مەن جاس عالىمدار كەڭەسىنىڭ جۇمىسىن بەلسەندى تۇردە جۇزەگە اسىرۋعا ارنالعان گرانتقا يە بولادى. بايقاۋ ەرەجەلەرى مەن تولىق قۇجاتتار fnn.kz سايتىنىڭ «جوبالار مەن بايقاۋلار» بولىمىندە جاريالانعان. قوسىمشا اقپاراتتى مىنا تەلەفون ارقىلى بىلۋگە بولادى.: 77273053623.