اسپانداعى ۇشاقتىڭ ۆيدەوسىن حيميالىق زات شاشتى دەپ ويلاعان: قازاقستاندا جاڭا فەيك تارادى

بۇل جولى گيپوتەزا ۇشىپ بارا جاتقان Boeing 787 Dreamliner جولاۋشىلار ۇشاعىنىڭ ۆيدەوسىمەن دالەلدەنىپ وتىر. ول ەشقانداي حيميالىق زاتتار شاشا المايدى، دەپ حابارلايدى بۇل حاباردى جوققا شىعارعان Stopfake.kz رەسۋرسى.

الەۋمەتتىك جەلىلەردە جانە مەسسەندجەرلەردە تاراتىلىپ جاتقان ۆيدەو ەسكى. ول 2017 -جىلدىڭ شىلدەسىندە شىققان. سونىمەن قاتار، ءتۇپنۇسقا روليكتە ۇشاقتىڭ ارتىندا ناقتى كوندەنساتسيا ءىزى بار ەكەندىگى كورسەتىلگەن.

كوندەنساتسيالىق ءىز - اتموسفەرانىڭ بەلگىلى ءبىر جاعدايلارىندا قوزعالاتىن ۇشاتىن اپپاراتتاردىڭ ارتىندا اتموسفەرادا پايدا بولاتىن كوندەنساتسيالانعان ىلعالدان (تامشىلاردان نەمەسە مۇز كريستالدارىنان) تۇراتىن اۋادا كورىنەتىن ءىز. ولار ۇشاق جوعارى بيىكتىككە كوتەرىلگەندە كورىنەدى. ونداعى ىلعالدىلىق شىق نۇكتەسىنەن تومەن تۇسەدى، ال اۋا تەمپەراتۋراسى مينۋس 30 دان تومەن بولادى. مۇنداي بيىكتىكتە قانداي دا بولماسىن زاتتاردى شاشۋ مۇمكىن ەمەس.

سونىمەن قاتار، Boeing 787 Dreamliner - جولاۋشىلار ۇشاعى. وندا حيميالىق زاتتارى بار ۇلكەن رەزەرۆۋارلاردى جانە ولاردى جەرگە شاشۋعا ارنالعان جابدىقتى ورنالاستىراتىنداي بوس ورىن جوق. ءدال سول ۆيدەونىڭ قولدانۋشىلارعا اسەر ەتكەنى سونشا، 2017 -جىلى ول تاعى ءبىر قاستاندىق تەورياسىنىڭ «دالەلى» بولىپ شىقتى. ادامدار وسىلايشا باسقا پلانەتالىقتاردىڭ جەرگە كەلۋىن تۇسىندىرۋگە تىرىسقان.