اتاقتى تەلەجۇرگىزۋشى تىكەلەي ەفيردە قۇلاپ، قولىن سىندىرىپ الدى

نۇر-سۇلتان. قازاقپارات - «ءبىرىنشى ارناداعى» «ۆرەميا پوكاجەت» باعدارلاماسىنىڭ جۇرگىزۋشىسى ەكاتەرينا ستريجەنوۆا ءتۇسىرىلىم بارىسىندا ءسۇرىنىپ، قولىن سىندىرىپ الدى، - دەپ حابارلايدى ريا نوۆوستي باسىلىمى.

ونىمەن بىرگە باعدارلاما جۇرگىزگەن رۋسلان وستاشكو ستريجەنوۆا اۋرۋحاناعا جەتكىزىلگەنىن حابارلادى. وستاشكونىڭ سوزىنشە، بۇدان كەيىنگى تۇسىرىلىمدەر كەستەسى ءالى ناقتىلانباعان.

«باعدارلاما ءارى قاراي بولادى. جۇرگىزۋشى كوپ. ەفيردى ۇلەستىرەمىز دەپ ويلايمىن. كاتياعا جازىلىپ كەتۋىن تىلەيمىن. سوعان قاراعاندا، قولىنىڭ سىنعانى راستالعان»، - دەدى اگەنتتىككە سۇحبات بەرگەن ول.

بۇعان دەيىن وسىنداي جاعداي كولۋمبيادا دا بولعان. ESPN تەلەارناسىنىڭ جۇرگىزۋشىسى كارلوس وردۋس تىكەلەي ەفيردە وپات بولا جازدادى. ونىڭ ۇستىنە ەكران قۇلاپ، قاسىندا وتىرعان ارىپتەستەرىن شوشىتقان ەدى.

Tengrinews.kz