الماتىداعى كوروناۆيرۋستى ەمدەۋگە ارنالعان ينفەكتسيالىق اۋرۋحانانىڭ ۆيدەوسى جاريالاندى
ۆيدەو مەن سۋرەتتەردى قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتى ۇسىندى.
ول جەردەن بوس پالاتالاردى، دالىزدەردى، جانساقتاۋ جانە قابىلداۋ بولمەسىن كورۋگە بولادى.
باسقارما مالىمەتىنە سايكەس، بۇل مەديتسينالىق مەكەمەدە 500 توسەك-ورىن بار.
جالپى، قالادا توسەك-ورىن سانى 7011، ونىڭ 5000 بوس ەمەس.
«وزدەرىڭىز بىلەتىندەي، جۇقپالى اۋرۋلارعا ارنالعان بارلىق توسەكتەر ماتەريالدىق-تەحنيكالىق جابدىقتالۋىنا، پەرسونالدىڭ دايىندىعىنا بايلانىستى 3 ەشەلونعا بولىنگەن: جاعدايى اۋىر، قالىپتى جانە جەڭىل ناۋقاستارعا ارنالعان. 29- ناۋرىزداعى جاعداي بويىنشا جۇقپالى اۋرۋلار اۋرۋحانالارىندا 2759 ادام (108 بالا) جاتىر، 39 ناۋقاستىڭ جاعدايى وتە اۋىر، 266 سى اۋىر، 2454 ءى ورتاشا اۋىرلىقتا. 28- ناۋرىز كۇنى 204 ادام اۋرۋحانادان شىعارىلدى»، - دەپ حابارلادى باسقارمادان.
سونىمەن قاتار، «Halyk Arena» كەشەنىندە 1000 توسەك-ورىن دايىندالدى.
كەشەن مەديتسينالىق قۇرالمەن، جيھازبەن، ءدارى-دارمەكتەرمەن تولىق قامتاماسىز ەتىلگەن.
