21:10, 29 - ناۋرىز 2021 | GMT +5
سۋەتس كانالى: قايراڭنان شىعارىلعان جۇك تاسۋشى كەمە كانالدى قايتا بوگەپ تاستادى
ەگيپەت: قازاقپارات - دۇيسەنبى كۇنى قايراڭنان شىعارىلعان سۋەتس كانالىنداعى Ever Given كونتەينەر تاسىمالداۋشى كەمە قاتتى جەلدىڭ سالدارىنان جارتىلاي بۇرىلىپ، قايتادان سۋ جولىندا كولدەنەڭدەپ تۇرىپ قالدى. بۇل تۋرالى Reuters اگەنتتىگى كۋاگەر مەن كانال اكىمشىلىگىندەگى دەرەككوزگە سىلتەمە جاساپ حابارلادى.
ونىڭ ايتۋىنشا، بۇل رەتتە پوزيتسيانىڭ وزگەرۋىنە قاراماستان، كەمە قايتادان قايراڭعا شىقپاعان. باسقا مالىمەتتەر ازىرگە بەرىلگەن جوق. Al Arabiya تەلەارناسى حابارلاعانداي، كەمە كانالدا قايتادان كولدەنەڭىنەن تۇرىپ قالدى، سەبەبى ارنانىڭ اعىسى سۋدىڭ كوتەرىلۋ اسەرىنەن باعىتىن وزگەرتتى. ونى فارۆاتەرگە كەرى سۇيرەپ اپارۋ ارەكەتتەرى اعىس باعىتىن وزگەرتكەشە ۋاقىتشا توقتاتىلدى.
