الماتىلىقتارعا ساۋدا ورتالىعى مەن بازارلاردا ۆاكسينا قالاي سالىناتىنى بەلگىلى بولدى
قالانىڭ باس مەملەكەتتىك سانيتارلىق دارىگەرى جانداربەك بەكشين ءوزىنىڭ جاڭا قاۋلىسىندا قوعامدىق دەنساۋلىق ساقتاۋ باسقارماسىنا الگوريتمگە سايكەس قوعامدىق ورىندارداعى COVID-19 عا قارسى يممۋنداۋ پۋنكتتەرىنىڭ دايىندىعىن قامتاماسىز ەتۋدى تاپسىردى. بازارلار اۋماعىندا يممۋنداۋدى ۇيىمداستىرۋ كەزىندە قاۋلىعا سايكەس، ەگۋ پۋنكتى بازار اۋماعىندا ورنالاسۋى قاجەت. سونىمەن قاتار، جۇمىس ۇستەلدەرى، ورىندىقتارى بولۋى ءتيىس. پايدالانىلعان ءبىر رەتتىك ماسكالاردى جيناۋعا ارنالعان قوقىس جاشىگى، قولدى وڭدەۋگە ارنالعان انتيسەپتيگى بار شىنتاق دوزاتورى كەرەك. ەگىلەتىن ادامداردى تىركەۋ جانە ەگىلگەننەن كەيىن باقىلاۋ جۇرگىزىلەتىن شاتىر بولۋى ءتيىس. ۆاكتسيناتسيالاۋ الدىندا تەكسەرۋ جانە تىكەلەي ەگۋ جۇرگىزۋ بارلىق سانيتاريالىق- ەپيدەميولوگيالىق تالاپتاردى ساقتاي وتىرىپ، جەدەل مەديتسينالىق كومەك ماشيناسىندا جۇرگىزىلۋى مۇمكىن. س و و اۋماعىندا يممۋنداۋدى ۇيىمداستىرۋ كەزىندە ەگۋ پۋنكتى ساۋدا ورتالىعىنىڭ ارنايى بولىنگەن ورىندا ورنالاسۋى ءتيىس، وندا حالىقتى تىركەۋ ءۇشىن قورشالعان ايماق، ۆاكسيناتسيا جۇرگىزۋ الدىندا حالىقتى تەكسەرۋگە جانە ەگۋدەن كەيىن 30 مينۋت ىشىندە باقىلاۋعا ارنالعان ايماق (ۋاقىتشا بولمە)، سونداي- اق ۆاكتسيناتسيا جۇرگىزۋگە ارنالعان جەكە ايماق ورنالاسۋى ءتيىس.
قاراپ تەكسەرۋ جانە ۆاكسيناتسيا جۇرگىزۋ بولمەلەرى ءمولدىر ەمەس پلاستيكالىق جابىنمەن (تىعىز پلەنكا) قورشالۋى ءتيىس، ال ءىشى ءوزارا شىمىلدىقپەن بولىنگەن، جۇمىس ۇستەلدەرى جانە ورىندىقتارمەن، پايدالانىلعان ءبىر رەتتىك ماسكالاردى جيناۋعا ارنالعان قوقىس جاشىگىمەن، قولدى وڭدەۋگە ارنالعان انتيسەپتيگى بار شىنتاق دوزاتورىمەن جابدىقتالعان بولۋى ءتيىس. بارلىق ءموبيلدى ەگۋ پۋنكتتەرىنە قويىلاتىن جالپى تالاپتارمەن مىنا جەردەن تانىسۋعا بولادى. قاۋلى قول قويىلعان كۇننەن باستاپ كۇشىنە ەنەدى.
