اقمولا وبلىسىندا جوعالعان ايەلدىڭ دەنەسى ورماننان تابىلدى

كوكشەتاۋ. قازاقپارات - اقمولا وبلىسىندا 20 كۇن بۇرىن جوعالعان 50 جاستاعى ايەلدىڭ ءولى دەنەسى تابىلدى، دەپ حابارلايدى قازاقپارات ءتىلشىسى وبلىستىق پ د باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتىنشە، ب. ك. ۋايسوۆانىڭ ءىز- ءتۇزسىز جوعالعاندىعى تۋرالى 8 -ناۋرىزدا بۋراباي اۋدانىنىڭ پ ب كەزەكشى بولىمىنە اعاسى حابارلاعان. وسىعان بايلانىستى ناۋرىزدىڭ 9-دا پوليتسيا قىزمەتكەرلەرى مەن ەرىكتىلەر جانە قوعام وكىلدەرى جەدەل- ىزدەستىرۋ ءىس- شارالارىن قولعا الدى.

«ناتيجەسىندە ناۋرىزدىڭ 27-دە بۋراباي كولىنىڭ سول جاعالاۋىنداعى «وقجەتپەس» شيپاجايى اۋماعىنداعى ورمان القابىندا ونىڭ دەنەسى تابىلدى. وندا كۇش قولدانۋدىڭ بەلگىلەرى بايقالمادى. قازىرگى كەزدە سوت- مەديتسينالىق ساراپتاماسى تاعايىندالدى»، - دەدى ۆەدومستۆودان.

اۆتور: اسلان وسپانوۆ