وتباسى بانك بازاسىندا «تۇرعىن ۇيمەن قامتاماسىز ەتۋ ورتالىعى» قۇرىلادى
«تۇرعىن ءۇي ساياساتىن رەفورمالاۋ ماسەلەلەرى جونىندەگى قازاقستان رەسپۋبليكاسىنىڭ زاڭ جوباسىنىڭ تۇجىرىمداماسى اياسىندا اكىمدىكتەردىڭ تۇرعىن ءۇيدى ەسەپكە الۋ جانە ءبولۋ جونىندەگى فۋنكسيالارىن جاڭادان قۇرىلعان وتباسى بانكىنە بەرۋدى كوزدەيتىن جاڭا تۇرعىن ءۇي رەفورماسىنىڭ قۇرالدارىن ەنگىزۋ جونىندەگى تاسىلدەر ماقۇلداندى. اكىمدىكتەردە كەزەكتە تۇرعانداردىڭ اعىمداعى بازاسى (شامامەن 556 مىڭ ادام) وتباسى بانكىنە بەرىلەدى. وتباسى بانكى بازاسىندا «تۇرعىن ۇيمەن قامتاماسىز ەتۋ ورتالىعى» قۇرىلادى. ول كەزەكتە تۇرعانداردىڭ ءبىرىڭعاي رەسپۋبليكالىق ەلەكتروندىق بازاسىن جۇرگىزۋدى، مونيتورينگتەۋدى، وزەكتەندىرۋدى، تۇرعىن ۇيگە مۇقتاجداردى ەسەپكە قويۋدى جانە ەسەپكە الۋدى، سونداي- اق تۇرعىن ءۇيدىڭ قولجەتىمدىلىك ساتىسىنا سايكەس قويۋ كۇنى بويىنشا ازاماتتارعا تۇرعىن ءۇيدى ءبولۋ ورتالىقتاندىرىپ جۇزەگە اسىراتىن بولادى»، - دەدى اسقار مامين.
ۇكىمەت باسشىسىنىڭ اتاپ وتۋىنشە، زاڭ جوباسى زاڭ جوبالاۋ قىزمەتى ماسەلەلەرى جونىندەگى ۆەدومستۆوارالىق كوميسسيانىڭ وتىرىسىندا قارالدى جانە ماقۇلداندى. ازىرلەنگەن زاڭ جوباسى جاريا تالقىلاۋ ءۇشىن اشىق نورماتيۆتىك قۇقىقتىق اكتىلەردىڭ ينتەرنەت- پورتالىنا ورنالاستىرىلدى جانە وسى جىلعى 22 - اقپاندا ساراپتامالار الۋعا (عىلىمي- قۇقىقتىق، ەكونوميكالىق، سىبايلاس جەمقورلىققا قارسى، لينگۆيستيكالىق)، سونداي- اق جۇمىس توبىنىڭ مۇشەلەرىنە قاراۋ جانە الدىن الا كەلىسۋ ءۇشىن جىبەرىلدى.
«ودان ءارى جۇمىس قازاقستان رەسپۋبليكاسىنىڭ ۋاكىلەتتى ورگاندارىندا زاڭ جوبالاۋ جۇمىسىن ۇيىمداستىرۋ قاعيدالارىنا سايكەس بەلگىلەنگەن تارتىپپەن جۇزەگە اسىرىلادى. وسىعان بايلانىستى تۇرعىن ۇيگە اشىق ەلەكتروندىق كەزەكتى ىسكە اسىرۋ قۇرىلاتىن تۇرعىن ۇيمەن قامتاماسىز ەتۋ جونىندەگى ورتالىقتى ەسكەرە وتىرىپ، وتباسى بانكى بازاسىندا جۇرگىزىلەدى. سونىمەن قاتار، اكىمدىكتەر كەزەكتە تۇرعاندار بويىنشا تۇگەندەۋدى اياقتاعاننان كەيىن وسى جىلدىڭ ەكىنشى توقسانىندا وتباسى بانكى بازاسىندا تۇرعىن ۇيلەردى ءبولۋ فۋنكسيونالىن اۆتوماتتاندىرۋ كوزدەلەدى»، - دەدى پرەمەر- مينيستر.
اۆتور: مارلان جيەمباي
