ح و ك اتقارۋشى كوميتەتى وليمپياداعا كەلەتىن قوناقتار سانىن قىسقارتتى

نۇر-سۇلتان. قازاقپارات - حالىقارالىق وليمپيادا كوميتەتىنىڭ اتقارۋشى كوميتەتى توكيو وليمپياداسىندا وتە ماڭىزدى تۇلعالارعا عانا اككرەديتاتسيا بەرۋ تۋرالى شەشىم قابىلدادى.

بۇل توكيو ويىندارىنا كەلەتىن اككرەديتەتتەلگەن ادامدار سانىن ايتارلىقتاي قىسقارتادى، دەپ جازادى Olympic.kz.

20- ناۋرىز كۇنى توكيوداعى وليمپيادا جانە پاراليمپيادا ويىندارىنىڭ شەتەلدىك كورەرمەندەردىڭ قاتىسۋىنسىز وتەتىنى رەسمي تۇردە حابارلاندى.

اتالعان وتىرىستا جاپون تارابى اككرەديتتەلگەن قاتىسۋشىلار سانىنىڭ از بولۋىن دا تالاپ ەتكەن.

كەيىن حالىقارالىق وليمپيادا كوميتەتى ۇلتتىق وليمپيادالىق كوميتەتتەرمەن جانە حالىقارالىق سپورت فەدەراتسيالارىمەن اقىلداسا كەلە، تەك ماڭىزدى ءرول وينايتىن تۇلعالارعا عانا اككرەديتاتسيا بەرۋ تۋرالى توقتامعا كەلدى.

سونداي-اق، ح و ك اتقارۋشى كوميتەتى اڭىزعا اينالعان سپورتشىلار مەن باسقا دا باعدارلامالار بويىنشا شاقىرىلاتىن قوناقتار ءتىزىمىن ازايتتى.