اقتوبەلىك پالۋان بەلبەۋ كۇرەسىنەن بەس دۇركىن ەل چەمپيونى اتاندى
اقتوبەدەگى «جاستار ارەنا» سپورت زالىندا ەرەسەكتەر اراسىندا بەلبەۋ كۇرەسىنەن ق ر چەمپيوناتى ءوتىپ جاتىر. تاۋەلسىزدىكتىڭ 30 جىلدىعى مەن قاجىمۇقان مۇڭايتپاس ۇلىنىڭ 150 جىلدىعىنا ورايلاستىرىلعان جارىسقا 14 وبلىس پەن نۇر-سۇلتان، الماتى، شىمكەنت قالالارىنان 300 گە جۋىق سپورتشى قاتىسۋعا ءوتىنىش بىلدىرگەن.
(18 جاس جانە ودان جوعارى) 8 سالماق، قىزدار (17 جاس جانە ودان جوعارى) 5 سالماق دارەجەسىندە ەركىن، كلاسسيكالىق ستيلدە كۇرەسەدى. ءار سالماق بويىنشا ءار قۇرامادان 2 پالۋاننىڭ قاتىسۋىنا رۇقسات بەرىلگەن.
62 كەلى سالماقتا اقتوبەلىك ادىلەت شالعىنبەك ۇلى بەس دۇركىن چەمپيون اتاندى.
«جارىس وتە تارتىستى ءوتتى. بەسىنشى رەت ەل بىرىنشىلىگىندە جەڭىسكە جەتىپ وتىرمىن. كۇرەستە ون بەس جىلدىق تاجىريبەم بار. باپكەرلەرىمە العىسىمدى ايتامىن. فينالدا ءوز جەرلەسىم بەردىك سەرعاليەۆتى 2:0 ەسەبىمەن ۇتىپ، جەڭىس تۇعىرىنان كورىندىم»، - دەدى ادىلەت شالعىنبەك ۇلى.
جەڭىسكە جەتكەن پالۋاندار قازاقستان ۇلتتىق قۇرامانسىنا ىرىكتەلەدى. ولار قازان ايىندا تاتارىستاندا وتەتىن الەم بىرىنشىلىگىنە جانە ت م د ويىندارىنا قاتىسادى.
ال تاشكەنتتە وتەدى دەپ جوسپارلانعان ازيا چەمپيوناتى ەپيدجاعدايعا بايلانىستى بەلگىسىز ۋاقىتقا شەگەرىلدى.
ۇيىمداستىرۋ القاسىنىڭ ەرەجەسىنە ساي قاتىسۋشىلار، جاتتىقتىرۋشىلار مەن تورەشىلەردەن پ ت ر انىقتاماسى سۇرالدى. جارىس كورەرمەنسىز ءوتىپ جاتىر.
