الماتىدا ۆاكتسيناعا كۆوتانى ۇلعايتامىز - اكىم
«قازىر رەسەيلىك «سپۋتنيك-V» ۆاكتسيناسىن ەگۋ جۇزەگە اسىرىلىپ جاتىر. اقپاندا ءبىز 1750 ۆاكتسينانى قۇرايتىن العاشقى پارتيانى الدىق. اقپاندا ۆاكتسينانىڭ باسىم بولىگىن مەديتسينا قىزمەتكەرلەرى ەكتى. ناۋرىزدىڭ باسىندا 10800 دوزا الىندى. ول مەديتسينا قىزمەتكەرلەرى، ۇستازدار مەن پوليتسيا قىزمەتكەرلەرىنە ەگىلدى. قولدا بار ۆاكتسينانىڭ بارلىعى ىسكە جارادى. ساۋىردە ۆاكتسينانىڭ ءىرى كولەمى ءتۇسۋى كەرەك. بىزگە بولىنگەن كۆوتا سانى 65 مىڭ بولدى. ءبىراق مەن كەشە پرەمەر- مينيسترمەن سويلەسىپ، 65 مىڭ كۆوتا از ەكەنىن ايتتىم. پرەمەر- مينيستر بۇل سوزىممەن كەلىستى. جاقىن ارادا ءبىز كۆوتا سانىن ارتتىرامىز»، - دەدى ساعىنتايەۆ.
سونىمەن قاتار، الماتى اكىمى ۆاكتسيناتسيا بويىنشا موبيلدىك بريگادالار جۇمىس ىستەيتىنىن ايتتى.
«بۇگىن ءبىرقاتار كاسىپكەر ءوز الاڭدارىن ۇسىندى. بۇل ۇيىمداستىرىلعان تۇردە جۇزەگە اسىرىلۋى كەرەك. اۋقىمدى جۇمىس جۇرگىزىلىپ جاتىر. ءبىز قالادا جاپپاي ۆاكتسيناتسيانى باستاۋعا دايىنبىز. تەك شەكتەۋ شارالارىمەن الىسقا بارمايمىز. ءبىز ءبىر جىل بويى بۇل تاجىريبەنى قولدانىپ كەلەمىز. كارانتينگە جابامىز، توتەنشە جاعداي جاريالايمىز. ءبىراق ۆيرۋس وزگەرىپ جاتىر»، - دەدى قالا اكىمى.
ساعىنتايەۆ ۆيرۋستانا ۆاكتسينا عانا قۇتقاراتىنىن جەتكىزدى.
«تەك ۆاكتسينا عانا قۇتقارا الادى. سوندىقتان جاپپاي ۆاكتسينالاۋعا تۇسىنىستىكپەن قاراۋعا شاقىرامىن. ۇجىمدىق يممۋنيتەت قالىپتاسسا، قالىپتى ومىرگە ورالامىز. وسىدان باسقا جول جوق ەكەنىن ءبىز عانا ەمەس، بۇكىل الەم كورىپ وتىر»، - دەدى باقىتجان ساعىنتايەۆ.
