21:03, 28 - ناۋرىز 2021 | GMT +5
قاراعاندىدا شاحتادان ءورت شىقتى
قاراعاندى. قازاقپارات - قاراعاندىدا «ساران» شاحتاسىنان ءورت شىقتى. شاحتادا ترانسپورتەر تاسپاسى مەن ىشكى قاپتاما جانىپ كەتتى، دەپ حابارلايدى قازاقپارات ءتىلشىسى.
«ارسەلور ميتتال تەمىرتاۋ» ا ق «ساران» شاحتاسىندا ءورت شىققانى تۋرالى حابارلاما 28 -ناۋرىز كۇنى ساعات 15:36-دا كەلىپ ءتۇستى. اۋماقتا تەحنولوگيالىق كەشەننىڭ 2 گالەرەياسىندا ترانسپورتەر تاسپاسى مەن ىشكى اعاش قاپتاماسى جانعان.
«+24 جانە +27 مەتر بيىكتىكتەگى 2 گالەرەيا قۇلادى. ءورت 16:53-تە ءسوندىرىلدى. جالىن شارپىعان اۋماقتىڭ جالپى اۋدانى 350 شارشى مەتردى قۇرادى. ءورت بولعان جەرگە سۋ شاشۋ جانە بۇزۋ جۇمىستارى جالعاسۋدا. ءورتتىڭ شىعۋ سەبەبى انىقتالۋدا»، - دەپ حابارلادى قاراعاندى وبلىسى توتەنشە جاعدايلار دەپارتامەنتىنىڭ باسپا ءسوز قىزمەتى.
