باقىتجان ساعىنتايەۆ: كوروناۆيرۋستىڭ ءۇشىنشى تولقىنى باستالدى
«بىلتىرعى جىلمەن سالىستىرعاندا جاعداي كۇردەلى. كەشە كوروناۆيرۋس 450 ادامنان انىقتالسا، بۇگىن 510 ى تىركەلدى. بۇل جاڭا شتامنىڭ پايدا بولۋىنان ءوسىپ وتىر. قالالىقتار جاعدايدى ءتۇسىنۋ كەرەك. بارلىق سانيتارلىق نورمانى ساقتاۋ قاجەت. سوڭعى كەزدە ادامدار ماسكا تاقپايتىن بولدى. بۇل ۆيرۋس جاقىن ارادا كەتپەيدى، ونى ءبارىمىز بىلەمىز جانە تۇسىنەمىز. ۆيرۋس بىزبەن قالادى. تولىقتاي ۆاكتسينا الىپ، ۇجىمدىق يممۋنيت قالىپتاستىرۋ كەرەك»، - دەيدى اكىم.
ونىڭ ايتۋىنشا، قالادا كوروناۆيرۋستىڭ ءۇشىنشى تولقىنى باستالدى. الايدا، حالىق ءالى دە سەنبەيدى.
«ادام ءوز باسىنا تيمەيىنشە سەنبەيدى. ماعان قاتىسى جوق دەپ ويلايدى. سوندىقتان ماسكا تاقپايدى. بىلتىرمەن سالىستىرعاندا جاعداي ەكى ەسە كۇردەلى. ءبىراق، وتكەن جىلمەن سالىستىرعاندا دەنساۋلىق ساقتاۋ سالاسىنداعى جاعداي جاقسى. ءبىز ءۇش جاڭا ينفەكتسيالىق اۋرۋحانا سالدىق. قازىر ون التى اۋرۋحانا وكپەنى جاساندى تىنىس الۋ اپپاراتىمەن قامتاماسىز ەتىلدى. قازىر ءار پالاتادا ءار توسەكتىڭ جانىندا تۇر. ءدارى- دارمەك جەتكىلىكتى. ەڭ باستىسى ءار تۇرعىن، وتباسىن، تۋعان- تۋىسىن ساقتاۋ كەرەك»، - دەيدى باقىتجان ساعىنتايەۆ.
